Суперлига 2-туридан ўрин олган «Сўғдиёна» — «Турон» ўйинидаги (1:0) ҳакамлик ЎФА экспертлари томонидан ўрганиб чиқилди, дея хабар қилмоқда ПФЛ бош директори вазифасини бажарувчи Диёр Имомхўжаев.
Экспертлар беллашув натижасига таъсир кўрсатган иккита ҳолатни аниқлаган:
- ҳакам 29-дақиқада «Сўғдиёна» дарвозасига пенальти белгилаши керак эди, аммо бунга журъат этмади;
- ҳакам 52-дақиқада «Турон» дарвозасига йўқ жойдан пенальти белгилади.
Ишни махсус инспекция қабул қилиб олган. Ўрганишлар натижасида инспекция ишни Этика қўмитасига оширади ёки ҳакамлик бўйича экспертларга қайта тақдим этади. Бунда барчаси ҳакам қарорлари қасддан қилингани ёки йўқлигига боғлиқ бўлади.
Имомхўжаевнинг маълум қилишича, «Турон» бош мураббий Ислом Исмоиловнинг ўйиндан кейинги кескин фикрлари юзасидан тартиб-интизом йиғилиши бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)