Ўзбекистон Суперлигаси 2-тури доирасида кечган «Сўғдиёна» — «Турон» учрашувида (1:0) баҳсли пенальти белгиланиши кўплаб муҳокамаларга сабаб бўлмоқда.
Иккинчи бўлим дебютида «Сўғдиёна» футболчиси дарвоза томон тепган тўп яйпанликлар ҳимоячиси Ғиёс Комиловнинг елка аралаш бошига тегди. Учрашув бош ҳаками Виктор Серазетдинов бу вазиятда тўп қўлга текканини қайд этиб, пенальти белгилади. Мазкур жарима зарбасидан киритилган тўп эса учрашувда ягоналигини сақлаб қолди.
Учрашувдан ПФЛ бош директори вазифасини бажарувчи Диёр Имомхўжаев мазкур вазиятга ўз муносабатини билдирди.
«Афсуски, орамизда бош билан қўлнинг фарқига бормайдиган профессионаллар ҳам бор», — деб ёзади Имомхўжаев.
Эслатиб ўтамиз, ўйиндан кейин «Турон» бош мураббийи Ислом Исмоилов эҳтиросларини жиловлай олмади ва ҳакамлик борасида кескин фикрлар билдирди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)