Футбол бўйича Италия А Сериясининг 27-туридан ўрин олган бир қатор учрашувлар 14 март, якшанба куни бўлиб ўтди.
«Интер» Туринда «Торино» меҳмони бўлди. Учрашувда ҳисоб 62-дақиқага келиб очилди: Ромелу Лукаку пенальтини аниқ ижро этиб, миланликларни олдинга олиб чиқди. Орадан кўп вақт ўтмай Антонио Санабрия мувозанатни тиклади.
Учрашув якунланиши арафасида Лаутаро Мартинес меҳмонларга уч очко келтирган гол муаллифига айланди.
Мазкур ғалабадан кейин «Интер» очколарини 65 тага етказиб олган ҳолда пешқадамликни мустаҳкамлади. «Торино» (20) эса 18-поғонада бормоқда.
«Рома» сафарда «Парма» билан баҳс юритди. Римликлар кутилмаганда сўнгги поғоналарда бораётган жамоага ютқазиб қўйди.
Учрашувлар видеошарҳини бу ерда томоша қилиш мумкин — видео.
А Серия
27-тур баҳслари
14 март, якшанба
«Торино» — «Интер» 1:2
Голлар: 0:1 – 62, пенальти Лукаку, 1:1 – 70 Санабрия, 1:2 – 85 Мартинес.«Торино»: Сиригу, Мурру (Ансальди, 67), Войнович, Бремер, Войвода (Гояк, 89), Мандрагора, Лукич, Верди (Заза, 67), Базелли (Lineтти, 49), Иццо, Санабрия (Белотти, 89).
«Интер»: Ҳанданович, Бастони, де Врей, Шкриньяр, Ҳакими (Дармиан, 88), Гальярдини (Эриксен, 56), Перишич (Янг, 56), Барелла, Брозович (Санчес, 81), Мартинес (Весино, 89), Лукаку.
Огоҳлантириш: Гальярдини (53).
«Парма» — «Рома» 2:0
Голлар: 1:0 – 9 Миҳеиле, 2:0 – 55, пенальти Эрнани.«Парма»: Сепе, Пецселла, Бани, Осорио, Конти (Лорини, 82), Эрнани (Грасси, 72), Куртич, Ман, Бругман, Миҳеиле (Карамо, 82), Пелле (Зиркзее, 61).
«Рома»: Лопес, Спинаццола, Кумбула (Кристанте, 59), Рожер, Бруно Перес (Рейнолдс, 60), Педро (Карлес Перес, 60), Вильяр (Диавара, 79), аш-Шаарави, Пеллегрини (Майораль, 79), Манчини, Жеко.
Огоҳлантиришлар: Осорио (23), Бруно Перес (32), Пеллегрини (54), Эрнани (66), Жеко (69), Карамо (90).
«Болонья» — «Сампдория» 3:1
Голлар: 1:0 – 27 Барроу, 1:1 – 37 Куальярелла, 2:1 – 41 Сванберг, 3:1 – 70 Сориано.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)