Тошкент вақти билан 14 март тонгида АҚШнинг Orlando шаҳрида Combat Night Pro мусобақаси бўлиб ўтади.
Унда ўзбекистонлик яккакурашчи Анвар Бойназаров (1-0) профессионал MMA’даги 2-жангини ўтказади. 31 ёшли Бойназаровга америкалик жангчи Роб Фуллер (1-7) рақиб бўлади.
Мазкур жанг мусобақанинг асосий кардидан ўрин олди.
Combat Night Pro Orlando мусобақасининг асосий кард жанглари Тошкент вақти билан 07:30 да бошланиши режалаштирилган.
Мусобақа Ўзбекистон телеканаллари орқали эфирга узатилмайди. Бойназаров иштирокидаги жанг видеосини бу ерда кўриш мумкин — ҳавола.
Эслатиб ўтамиз, «The Узбек» MMA’даги дебют жангини 2020 йилнинг декабрида ўтказган ва унда Ҳенри Ли Краппни биринчи раунддаёқ нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)