Бокс бўйича супер оғир вазн тоифасининг собиқ чемпиони Эвандер Ҳолифилд Майк Тайсонга қарши жанг ўтказиш ташкилий масалаларидаги муаммолар ҳақида гапирди.
Мен томон бу жангни ўтказишга интилмоқда, бироқ биз баҳонадан бошқа ҳеч қандай жавоб олмадик. Тайсон нима сабабдан менга қарши жанг олдидан чигалёзди беллашув ўтказганини энди тушундим.Аввалроқ фаолиятини қайта тиклаган Тайсон Рой Жонсга қарши жанг қилган ва унда дуранг натижа қайд этилганди.Рой Жонс — Майк учун локал даражада яхши рақиб эди, бироқ унинг менга қарши жанги глобал воқеага айланади. Барча хоҳлаётган ягона жанг — бу Майк иккимиз ўртасидаги тўқнашув. Бу жангни ўтказмаслик учун ҳеч қандай сабаб йўқ.
Энди ҳеч қандай баҳона ўтмайди. Бу жанг ҳар биримизнинг меросимиз учун ҳам керак. Тайсон, шартномани имзола ва рингга чиқ! Бутун дунё кутмоқда ва ҳаммаси сенга боғлиқ бўлиб турибди. Мен тайёрман.
Эвандер Ҳолифилд, собиқ боксчи
Тайсон ва Ҳолифилд икки бор 1996 ва 1997 йилларда ўзаро жанг қилган. Илк жангда Ҳолифилд нокаут эвазига ғалаба қозонган, иккинчи тўқнашувда эса Майк рақибининг қулоғини тишлаб олган ва дисквалификация қилинган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)