Профессионал бокснинг ярим ўрта (-66,68 кг) вазн тоифасида рингга чиқаётган Қудратилло Абдуқаҳҳоров (17-0, 9 КО) навбатдаги жангини 2021 йилнинг 10 апрелида ўтказади. Бу ҳақда Boxing Scene хабар қилди.
Абдуқаҳҳоровга канадалик енгилмас боксчи Коди Кроули (19-0, 9 КО) рақиб бўлади. Жанг 10 апрель куни АҚШда бўлиб ўтади. Бу ҳақда Қудратилло ўзининг Instagram саҳифасида ҳам маълум қилди, бироқ бироз вақт ўтгач ушбу постни ўчириб юборди.
Аслида ўзбекистонлик боксчи 13 март санасида Пуэрто-Рико вакили Хавьер Флоресга (15-2, 13 КО) қарши жанг қилиши кўзда тутилганди. Бироқ Флоресда коронавирус аниқланди ва жанг бекор қилинди.
Маълумот учун, Кроули ўз вақтида енгилмас боксчи Флойд Мевезернинг спарринг шериги бўлган. Канадалик боксчи Мэнни Пакьяо ва Конор Макгрегорга қарши жанглар олдидан Флойднинг тайёргарлигига ёрдам берганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)