Африканинг Гвинея ва Конго демократик республикасида Эбола безгаги қайд этилди. Бу безгак 14 кишида аниқланди, тўққиз киши иситма туфайли вафот этди. Бу ҳақда «Korrespondent.net» хабар берди.
Африка Касалликларни назорат қилиш ва профилактика марказининг (Africa CDC) хабар беришича, Гвинея ва Конгода безгакдан ўлим даражаси 64,3 фоизни ташкил қилади.
Конгода етти киши Эбола безгагини юқтириб олди, уларнинг тўрт нафари вафот этди. Гвинеяда эса етти кишидан бештаси бу вирус қурбонига айланди.
Маълумотларга кўра, Эбола қайд этилган мамлакатларнинг ҳеч бири соғайиб кетиш ҳолати ҳақида хабар бермаган.
2014—2016 йилларда Ғарбий Африкада 28,6 минг киши Эбола вируси билан зарарланган, уларнинг 11,3 минги вирус қурбонига айланган.
Эбола — бу иситма, қусиш, диарея, умумий оғриқ ёки безовталикни, кўп ҳолларда ички ва ташқи қон кетишни келтириб чиқарувчи геморрагик безгак.
Маълумот учун, ЖССТ Африкада Эбола хавфига баҳо берди. Мутахассислар Гвинеяда Эбола тарқалиш хавфини жуда юқори деб ҳисобламоқда.
Аввалроқ Конгода Эболага қарши эмлаш бошлангани ҳақида хабар берилган эди.
Изоҳ (0)