Бугун,

  • USD 11095.31
  • RUB 173.84
  • EUR 10772.44

Ўтган бир ҳафтада ичида 760 нафардан ортиқ Ўзбекистон фуқароси Россияга ишлаш учун жўнаб кетди, деб хабар берди Ташқи меҳнат миграцияси агентлиги.

Фото: Ташқи меҳнат миграцияси агентлиги

Фото: Ташқи меҳнат миграцияси агентлиги

Таъкидланишича, сўнгги ойларда Россиянинг кўплаб иш берувчи корхоналарига фуқароларни ташкиллаштирилган ҳолда ишга жалб қилиш мақсадида ушбу корхоналар вакиллари иштирокида ишга кетиш ниятида бўлган фуқаролар Ўзбекистоннинг қатор вилоятларида танловдан ўтказилиб келинмоқда.

Мазкур танловлардан муваффақиятли ўтган фуқаролар Россия ҳудудига кириш учун рухсатнома олгач, ушбу давлатда вақтинчалик меҳнат фаолиятини амалга ошириш учун жўнаб кетади.

«Ана шундай фуқаролардан 120 нафари ‘СтройКрафт’ МЧЖда ишлаш учун 19 февраль куни Санкт-Петербургга, 203 нафари ‘ПСП’ МЧЖда ишлаш учун Амурга, ‘ПИК Индустрия’ АЖ ва ‘Техстрой’ МЧЖда ишлаш учун эса Москвага 20 февраль куни 219 нафари, 21 февраль куни 220 нафари Тошкент халқаро аэропортидан жўнаб кетди», — дейилади хабарда.

Россияда ишлаш учун кетаётган ўзбекистонликларга аэропортда тегишли тушунтиришлар берилиб, меҳнат мигрантлари ҳуқуқ ва манфаатларини ҳимоя қилиш юзасидан материаллар тарқатилган. Ўзбекистон фуқаролари белгиланган эпидемиологик талаблар ва карантин чекловларига риоя қилган ҳолда турли объектларда иш бошлайди.

Эслатиб ўтамиз, Россия ИИВ мамлакатда мигрантлар сони камайиб кетганини маълум қилганди. 2020 йил декабрь ойининг ўрталарида Россия Қурилиш вазирлиги меҳнат муҳожирларининг мамлакатга киришини соддалаштириш таклифи билан чиққанди.

Изоҳ
Asosiy yangiliklar
Маданият
«Худодан қўрқмаган одамдан қўрқдим». Ўзбекистон халқ артисти Бобомурод Ҳамдамов оилавий низолар туфайли ижара уйда яшамоқда (видео)
Маҳаллий
«Одамлар ўлимида ўзимни айбдор ҳисобламайман» — Нукусдаги тартибсизликлар етакчиси Даулетмурат Тажимуратов
Маҳаллий
Самарқандда ўқувчининг онаси «замдиректор»ни калтаклади