Давлат солиқ қўмитаси томонидан аниқланган «нақдлаштирувчи корхоналар»нинг ярмидан кўпи давлат ёки давлат улуши мавжуд корхоналар эканлиги айтилганди. Бу каби корхоналар орқали «пул айлантирган» давлат корхоналари рўйхатига бюджетга 2,3 триллион сўм зарар келтирган «Ўзбекистон темир йўллари» АЖ етакчилик қилган. Компания ушбу ҳолат бўйича расмий баёнот билан чиқди.
Компаниянинг маълум қилишича, ҳар бир ҳолатни алоҳида чуқур танқидий кўриб чиқилиши натижасида тақдимномада келтирилган 18,8 миллиард сўмлик ҳолатдан 530 миллион сўмлик шартномаларда (2,8 фоиз) битим тузган маҳсулот етказиб берувчи ташкилотлар тўлаши лозим бўлган ҚҚСни тўламаган.
Тадбиркорлар томонидан тўланмаган 69 миллион сўм ҚҚС айбдор шахслардан ундирилган ва ўрнатилган тартибда солиққа йўналтирилмоқда.
«Шубҳали контрагентлар билан тузилган шартномаларнинг аксарият қисми товар-хом ашё биржаси савдо платформалари орқали расмийлаштирилган. Ушбу йўналишда ‘Ўзбекистон темир йўллари’ АЖ Давлат солиқ қўмитасига контрагентларни ишончли солиқ тўловчи корхоналиги ўрганилганидан сўнг товар-хом ашё биржаси савдо платформаларига қўйилиши бўйича ўз таклифини киритди» – дейилади баёнотда.
Таъкидланишича, «Ўзбекистон темир йўллари» акциядорлик жамияти ўзининг «ишончли солиқ тўловчи» имижини сақлаб қолиш йўлидаги саъй-ҳаракатларини давом эттиради.
Мавзуга доир:
23 февраль ҳолатига кўра, республика бўйича жами 3306 та корхонада 554,6 миллиард сўмлик асоссиз ҳисобга олинган қўшилган қиймат солиғи (ҚҚС) суммаларига аниқлик киритиш бўйича камерал солиқ текширувлари якунланган. Натижада 3145 та, яъни 95,1 фоиз корхонада (514,8 миллиард сўм) сохта операцияларни амалга ошириш фактлари тасдиқланган.
Изоҳ (0)