Наманган шаҳрининг Давлатобод туманида замонавий электрон кутубхона иш бошлади. «Янги Ўзбекистон — ёшлар зиё маркази» деб номланган маърифий маскан бир вақтнинг ўзида 1200 нафар китобхонга хизмат кўрсатиш имкониятига эга. Уни қуриш ва жиҳозлашда инновацион ёндашувлар татбиқ қилинган. Эътиборли жиҳати, ушбу кутубхона ижтимоий тармоқларнинг фаол қатламлари орасида кенг эътирофларга сабаб бўлди. 

Уч қаватдан иборат бинонинг кириш қисмидаги фаввора атрофи ва юқори қаватларга кўтарилувчи зиналарда ҳам эркин ўқув майдончалари ташкил этилган. Марказнинг кириш қисмида электрон рўйхатга олиш ускуналари — инфокиосклар мавжуд бўлиб, ҳар бир китобхонга ID карта расмийлаштирилади. Биринчи ва иккинчи қаватда bookcafe, 7-11 ёшли болалар учун махсус бўлим, ҳуқуқий саводхонлик, бадиий адабиётлар, ёшлар маънавияти, тиббиёт ҳамда қишлоқ хўжалиги соҳаларига тааллуқли илмий адабиётлар каби бўлимлардан таркиб топган. Масканнинг асосий китоб фонди айнан шу қаватлардан жой олган.

Инновацион янгилиги — рақамли технологиялар татбиқ этилиши билан боғлиқ. Масалан, учинчи қаватдан рақамли кутубхона жой олган. Бу қаватнинг бошқалардан ажралиб турувчи жиҳати китобхонлар учун шароитлар инновацион усулда ташкил этилган. Ҳар хил турдаги ўйинлар, 64 жамланмадан иборат, ҳар бири электрон китоб нашрлари билан бойитилган замонавий компьютер жиҳозлари мавжуд. Бу ерда ўқувчи 2 миллиондан ортиқ электрон ва аудиокитоблар, 120 минг дона китоблардан баҳраманд бўлади. Яқин орада ана шу рақамни 500 мингтага олиб чиқиш кўзланган. Бу ерда уларни сақлаш учун махсус иқлим ҳосил қилинган. Рақамли кутубхона ҳудудида яқин орада IТ-парк билан ҳамкорликда ўқув ва коворкинг тизимини йўлга қўйиш режада бор.

Қаватнинг ҳар бир устунида наманганлик шоирларнинг фотосуратлари ва уларнинг остига QR-кодлар жойлаштирилган. Унга телефонни тутиб адибнинг ҳаёти ва ижоди ҳақида маълумотларни ўқиш имконияти бор. Бундан ташқари, дам олиш ва ҳордиқ чиқариш учун яшил ҳудудлар ҳам ташкил этилган. Унда ўқувчи махсус қулоқчинлар ёрдамида мақом мусиқаларини тинглаши мумкин.

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Фото: «Дарё» / Мадина Нурман

Эслатиб ўтамиз, Ўзбекистон Президенти Шавкат Мирзиёев 19 февраль куни ўтказилган Халқ депутатлари Наманган вилояти кенгашининг навбатдан ташқари 26-сессиясидан кейин сафар дастурига асосан, айнан мана шу замонавий кутубхонага ташриф буюриши керак эди. Аммо давлат раҳбари кортежи кутилмаганда Наманган шаҳрининг чанг ва чуқурга тўла йўллари бўйлаб юриб, «Бунёдкор» маҳалласида тўхтади. Президент дастлаб Наманган шаҳар Ички ишлар органлари фаолиятини мувофиқлаштириш бошқармаси 1-сонли ички ишлар бўлими «Бунёдкор» маҳалла фуқаролари йиғинидаги 74-сонли таянч пунктига ташриф буюрди. Кортежни кўриб йиғилган тумонат одам орасига Шавкат Мирзиёев кириб бориб, аҳоли муаммоларини тинглади. Шунингдек, кеч тушишига қарамай, давлат раҳбари 26-сонли Меҳрибонлик уйи ва «Саховат уйи»га ҳам ташриф буюриб, болажонлар, нуронийлар билан суҳбатлашди.