Prezident Shavkat Mirziyoyev Namanganga tashrifi davomida shaharda joylashgan 26-sonli mehribonlik uyiga tashrif buyurdi. Bu haqda “Daryo” muxbiri xabar qilmoqda.

Foto: “Daryo” / Madina Nurman

Qayd etilishicha, mehribonlik uyida 60 nafar bola tarbiyalanadi. 2020-yili 6 nafar mehribonlik uyi bitiruvchisi oliy ta’lim muassasasiga o‘qishga kirgan. Ular orasida sportchilar ko‘p, bir qancha yutuqlarga ham erishilgan.

Davlat rahbari tarbiyalanuvchilarning uy-joy bilan ta’minlanishi va sifatli ta’lim olishi haqida so‘zladi.

Foto: “Daryo” / Madina Nurman

“Qarang, qanday chiroyli-chiroyli bolalar, qizlar. Ularning bu yerda bo‘lmasliklari uchun oilalar sog‘lom, ayollar bilimli, hunarli bo‘lishi muhim. Har bir bolaning ko‘nglidagi gapni bilinglar, barcha sharoitni muhayyo qilinglar”, – deydi Prezident.

Prezident tarbiyalanuvchilarga yuzlanib, ular uchun kerakli ishlar qilinishini ta’kidladi.

Foto: “Daryo” / Madina Nurman

“Sizlarni yorug‘ kunlar kutyapti. Sizlar oliygohlarga kirishingiz, uy-joyingiz bo‘lishi, baxtli bo‘lishingiz uchun men barcha sa’y-harakatlarimizni ishga solaman. Biz qonun asosida davlat himoyasida bo‘lishingiz uchun qarorlar qabul qilamiz”, – dedi Shavkat Mirziyoyev.

Prezident tarbiyalanuvchilarga yuzlanib, ular uchun kerakli ishlar qilinishini ta’kidladi.

Foto: “Daryo” / Madina Nurman

Foto: “Daryo” / Madina Nurman

Bolalar Prezident bilan suhbatlashgandan so‘ng u bilan birga suratga tushdi.

Foto: “Daryo” / Madina Nurman

Bundan avval yangi kutubxonaga ketayotgan Shavkat Mirziyoyev korteji yo‘nalishini o‘zgartirib, “Bunyodkor” mahallasiga kirgani, u yerda xalq bilan uchrashgani haqida xabar berilgandi.