АҚШда Tesla мижозларига оддий том ўрнига Solar Roof — уй учун электр энергиясини ишлаб чиқарувчи қуёш панелларини ўрнатиш таклиф этилмоқда, деб хабар беради Motor. Аввалига Tesla томлари қуёшли Калифорния ва Флоридада пайдо бўлган, бироқ вақт ўтиши билан унинг географияси кенгайиб, шимолий штатлар аҳолиси ҳам ундан фойдаланишга ўтган. Том ўзини ўзи қордан тозалай олади.
Tesla Solar Roof — бу сопол томлар ўрнини эгаллайдиган мустаҳкам шиша орасига яширилган кўплаб қуёш батареяларидан иборат тўлақонли қоплама ҳисобланади. Electrek маълумотларига кўра, сўнгги вақтларда Америка компаниялари Solar Roof’нинг савдосини қарийб уч баробарга оширган, унинг раҳбари Илон Маск эса панелларни Tesla’нинг навбатдаги «хити» деб атаган.
Савдолар, жумладан, АҚШнинг шимолий штатлари ҳисобига ҳам ошган: у ерларда Solar Roof’га бўлган талаб панеллар деярли йил давомида қуёшли кун бўладиган жанубда самаралироқ бўлишига қарамай, ортмоқда. Батареялар булутли об-ҳаво шароитида ҳам энергия ишлаб чиқаришга қодир, бироқ қорлар уларни деярли тўлиқ фойдасиз ҳолатга келтиради.
Tesla ушбу муаммога ечим топган: Solar Roof мунтазам равишда кам миқдорда иссиқлик ажратиб туради, шу сабабли қор тез эриб, гравитация таъсирида томдан сирпаниб кетади. Бу Висонсиндаги Tesla мижозларидан бири томонидан эълон қилинган видеода яхши тасвирланган: қорли бўрондан сўнг қўшни уйларнинг томини қор босиб ётган бир вақтда Solar Roof тезда тозаланган.
Изоҳ (0)