Тасаввур қилинг, дам олиш куни. «Будильник» ўчирилган ва сиз тўлиқ уйқуга тўйган ҳолда уйғонасиз. Пардани очасиз, деразадан қуёш «кулиб боқади». Пастда, ҳовлида обод майсазорлар кўкариб турибди. Уфқ чизиғини «қорли қалпоқ» кийган, қудратли тоғлар беркитмоқда. Кичик Швейцариядан нимаси кам?
Ўзингизни Европада бўлгандек, ҳис қилиш осон: Golden House, Assalom Maxtumquli турар жой мажмуасининг иккинчи уйида сотувлар бошланганини эълон қилади. Айнан мана шу уйнинг деразаларидан маъюс саноат ва шаҳар кўриниши эмас, Чимён тоғларининг ажойиб манзаралари очилади.
Юрак танлови
Assalom Maxtumquli турар жой мажмуаси уйи кўчмас мулк бозоридаги кўплаб таклифлар олдида афзалликларга эга: у қуриб битказилган. Сотувга турли майдон ва тарҳга эга хонадонлар қўйилган. Уларни менежер таърифи ёки планшет экранидаги расмлар орқали эмас, бевосита ўзини кўришингиз мумкин. Келинг, бўлажак уйингизни шахсан кўриб чиқинг, қурилиш, таъмир сифатига амин бўлинг ва ўзингизга маъқул бўлган хонадонни танланг.
Харидорлар учун компания кўплаб совға ва сюрпризларни тайёрлаб қўйди. Мисол учун, Assalom Maxtumquli ТЖМдан хонадон харид қилиб, анчагина пулни тежаб қолиш мумкин. Негаки хонадонлар тўлиқ таъмирланган ҳолда тақдим этилади: электрика, иситиш, сантехника ва пардозлаш ишлари тўлиқ бажариб бўлинган, барча эшик ва деразалар ўрнатилган, полга ламинат, санузеллар полига эса керамик плиталар ётқизилган. Сиз шунчаки керакли маиший жиҳозлар ва мебелларни олиб кириб, яшашни бошлашингиз мумкин.
Оила тўпланадиган жой
Хонадонларнинг яна бир афзаллиги шундаки, улар шинам ва қулай ошхона билан бирга тақдим этилади. Кўпчилик учун ошхона — бу бутун оила тўпланиб тушлик қиладиган, меҳмонлар кутиладиган, режалар тузиладиган, кўнгилдан суҳбатлар қилинадиган жой ҳисобланади. Айнан шунинг учун унга кўп эътибор қаратилади. Golden House компанияси Assalom Maxtumquli турар жой мажмуасидан хонадон харид қилганларга 18 миллион сўмлик ошхона гарнитурини совға қилади.
Айнан сизнинг ошхонангиз ҳажмига мослаб ясалган, хай-тек услубидаги қулай мебель, замонавий маиший техника — газ плитаси, духовка ва ҳаво тортиш ускуналари, ажойиб сантехника мосламалари билан бирга тақдим этилиши ҳам ҳар бир янги уй эгасини хурсанд қилмай қолмайди. Шкафлар болалар учун хавфсиз, асталик билан ва шовқинсиз ёпилади.
Турар жой мажмуаси — шаҳар безаги
Assalom Maxtumquli турар жой мажмуасида нафақат дераза ортидаги манзаралар кўнгилни қувонтиради, мажмуанинг ўзи ҳам жуда чиройли кўринишга эга. Юқори қулайликка эга бир нечта 9 қаватли ёрқин бинолар одатий оқ алюкобондли ва кўк ойнали кўплаб бинолардан ажралиб туради. Шаҳар манзарасини мажмуанинг фаол ҳордиқ чиқариш ва сайрлар қилиш учун кўкаламзор ҳудудлари тўлдириб туради. «Машинасиз ҳовли» концепциясини резидентлар ва унинг меҳмонлари учун мўлжалланган ерусти автотураргоҳи таъминлайди.
Мажмуа Яшнобод туманида, секин-аста пойтахтнинг янги марказига айланиб бораётган Махтумқули кўчасида жойлашган. Яқин атрофдаги мактаб, болалар боғчаси, бозор ва супермаркетлар, тиббиёт клиникалари, боғларга атиги бир неча дақиқада етиб олиш мумкин. Тошкентдаги ягона уч қаватли йўл тармоғи пиёда юриш масофасида жойлашган. Мажмуанинг марказда жойлашганига қарамай, атроф-муҳитдаги ҳаво соф, экологик ҳолат яхши, тоғлар эса эрталаблари «қорли қалпоқ»лари билан кутиб олишда давом этади.
Assalom Maxtumquli савдо офиси манзили: Яшнобод тумани, Махтумқули кўчаси
Мўлжал: Makro супермаркети
Call-марказ: (+998 78) 150 11 11
Сайт: assalom.gh.uz
Telegram: t.me/assalom_gh
Facebook: fb.com/assalom.gh
Instagram: instagram.com/assalom.gh
Реклама ҳуқуқи асосида.
Изоҳ (0)