Бугунги кунда техник каннабис етиштириш глобал агросаноат секторидаги шиддат билан ривожланаётган йўналишлардан бири ҳисобланади. XXI асрда жаҳондаги ҳар тўртинчи мамлакат саноат мақсадларида каннабис етиштираётганлиги бунинг ёрқин далилидир. 2020 йилдан эътиборан, ушбу ўсимлик Ўзбекистонда ҳам етиштириладиган бўлди.
Ўзбекистон Республикаси Президенти Шавкат Мирзиёев таркибида тетрагидроканнабинол (ТГК) миқдори 0,2 фоиздан кам бўлган техник каннабисни саноат мақсадларида етиштиришга рухсат берувчи қонунни имзолаган эди. Айни пайтда минимал миқдордаги ТГКли юқори маҳсулдор каннабис штаммларини кўпайтириш селексионерларнинг асосий вазифасига айланган.
RS Success Agro Ўзбекистонда илғор илмий тадқиқотларни жорий этмоқда
Ўзбекистондаги Бирлашган Араб Амирликларининг топ-3 йирик инвесторлардан бири – Industrial Innovation Group (IIG) компанияси республикамизда целлюлозали ўсимликлар етиштириш ва уларни қайта ишлаш бўйича инновацион лойиҳани амалга оширди. Ушбу лойиҳага мувофиқ, Ҳовос туманида RS Success Agro биотехнологик индустриал агромажмуаси фаолияти йўлга қўйилди.
Мазкур агромажмуа мутахассисларининг асосий вазифаларидан бири илғор илмий ютуқларни амалиётга татбиқ этишдир. Шу мақсаддан келиб чиқиб, RS Success Agro компанияси Ўзбекистонда қишлоқ хўжалиги фанлари доктори – Татьяна Сухорада раҳбарлигида замонавий илмий лаборатория фаолиятини йўлга қўйди. Эътироф этиш жоизки, Татьяна Сухорада «жанубий каннабиснинг ногиёҳванд навлари селексияси ва уларнинг агротехник навлари элементлари» мавзуида докторлик диссертациясини ёқлаган. У мазкур соҳада 40 йилдан зиёд вақт давомида фаолият юритмоқда ва айни йўналиш бўйича поссовет ҳудудидаги юксак профессионал мутахассис ҳисобланади.
RS Success Agro қошидаги лаборатория мажмуаси маҳсулот сифатини аниқлаш, наслчилик, уруғ лабораториялари ҳамда агротехнологик лабораториядан иборат.
«Замонавий лаборатория фаолияти Ўзбекистон иқлимига мослашган, уруғи ҳамда толаси юқори маҳсулдор бўлган каннабис навларини яратишга қаратилган. Янги техник каннабис ички ва халқаро бозорда катта амалий аҳамиятга эга бўлиши кутилмоқда», — дейди қишлоқ хўжалиги фанлари доктори Татьяна Сухорада.
RS Success Agro лабораторияси илм-фан ва технологияларнинг энг сўнгги ютуқларини жамлаган
RS Success Agro лаборатория учун жаҳон брендларининг энг илғор ускуналарини харид қилди. Бу эса маҳсулотни тўлиқ циклда назорат қилиш имконини беради. Мавжуд ускуналар турли вегетация жараёнларида каннабис ўсимликлари таркибидаги асосий каннабиноидлар — тетрагидроканнабинол (ТНС), CБН каннабинол, CБД каннабидиол, CБГ каннабигеролни аниқлайди.
Каннабис уруғидан олинадиган озиқ-овқат маҳсулотлари лабораторияда барча сифат кўрсаткичлари бўйича текширилади. Масалан, физик-кимёвий усулдаги текширувларни олайлик. Бунда кислота сони, намлик ва учувчи моддалар, ёғсиз аралашмалар, фосфорли моддалар, умумий кул, ёд миқдори, хавфсизлик кўрсаткичлари — пестицидлар, микотоксинлар, диоксинлар, бензпирен, токсик элемент (қўрғошин, кадмий, симоб, мишяк), мойнинг ёғ кислотаси таркиби, терпенлар текширилади.
Бундай кенг кўламли тадқиқотлар лабораторияда мавжуд юқори технологик ускуналар, жумладан, газ ва суюқлик хроматографлари, плазма билан индуктив боғланган суюқлик масс-спектрометрлари, атом абсорбцион спектрометрлари, тезлаштирилган синов намуналарини тайёрлаш учун микротўлқинли парчаланиш тизими ёрдамида олиб борилади. Ушбу асбоб-ускуналар жаҳондаги энг етакчи ишлаб чиқарувчилардан харид қилинган.
Лаборатория юқори аниқлик ва сезгирлик хусусиятига эга, замонавий электрон аналитик тарозилар билан жиҳозланган (тарози, намлик анализатори, муфель печи ва қуритиш шкафи, бидистиллятор, юқори самарадор сув тозалаш тизими кабилар шулар жумласидандир).
«Лабораторияда замонавий, аниқлик ва сезгирлик даражаси ўта юқори ускуналар мавжудлиги ишончли натижаларга эришиш, ҳар қандай мураккаб вазифани бажаришга имкон беради. Ушбу вазифаларни Ўзбекистоннинг ёш ва энг билимли мутахассислари — кимёгарлар, агрономлар, генетиклар бажармоқда», — дейди лаборатория директори Татьяна Сухорада.
Ҳозирги вақтда техник каннабис энг истиқболли ва юқори рентабеллик даражасига эга экинлардан биридир. Чунки бу ўсимликни 30 мингдан зиёд товар ва материаллар хомашёси сифатида ишлатиш мумкин. Мисол учун, у қоғоз, табиий матолар, биоёқилғи, қурилиш материаллари, батареялар, бўёқлар, пластмасса, юқори сифатли ёғ, шунингдек, автомобиль ва самолёт ишлаб чиқаришда қўлланади.
Бир гектар майдондан олинган техник каннабисдан 20 йиллик ўрмоннинг тўрт гектаридан олинадиган қоғозни олиш мумкин. Энг асосий афзаллиги эса — бу ўсимлик ҳар йили янгитдан ўсиб етилади.
Реклама ҳуқуқи асосида.
Изоҳ (0)