35 дан ошган аёлларни ёшартирадиган соч турмаклари юлдузлар мисолида (фото)

Голливуд юлдузларининг энг муваффақиятли соч турмагидан сўнг уларнинг ҳақиқий ёшига ишониш қийин.

Риз Уизерспун – 44 ёш

Ёшлигидан буён сариқ сочли Риз турмагига унчалик ҳам аҳамият бермаган. Кўпинча унинг сочлари узун кўринишда эди. Кейинчалик у сочларини калта қилиб кесиб ташлади ва янги кўринишидан мамнун бўлди. Албатта, актриса янги турмакдан сўнг янада ёшаришга эришди.

Кира Найтли – 35 ёш

Узун ва жингалак сочли Кира ташқи кўриниши борасида тажриба қилишга қарор қилди. У аввал сочларини кесди, сўнгра фильм учун яна ўстирди. 2005 йилда актриса яна ўзгариш учун сочини сариққа бўяб, бироз калталатди. Кейинроқ эса худди эркакларнинг соч турмагидек кесиб ташлади. Лекин бу каби кўриниш билан узоқ юрмади, чунки образ жуда зерикарли эди. Суҳбатларнинг бирида эса Кира калта соч турмагини ёқтиришини айтиб ўтган.

Сара Жессика Паркер – 55 ёш

Голливуднинг севимли актрисаси ёшлигидан ўзининг узун сочлари билан фахрланиб келган. Юлдузнинг сочлари сариқ ва текис бўлиб, юзи ҳам бироз чўзиқ шаклда. Шунинг учун актрисага ҳажмдор турмаклар жуда мос келади. Аммо унинг ушбу соч турмагидан сўнг ҳеч ким актрисага 55 ёш бермаса керак. Турмак чиндан ҳам унга жуда мос тушган.

Кристина Риччи – 41 ёш

Доим ёш кўринувчи ҳамда ўзининг катта-катта кўзлари билан Голливудни забт этган Кристинани ҳеч ким билан адаштириб бўлмайди. Кўпчилик уни «Аддамснинг оиласи» фильмидаги узун қора соч Уэнсдай Аддамс образи билан ёдга олади. Аммо Кристина учун узун сочлар аҳамиятга эга эмас. У ташқи кўриниш борасида тез-тез тажриба ўтказиб, уни тубдан ўзгартириб туради.

Шарлиз Тэрон – 45 ёш

Актриса ҳаётда ҳам, рол учун ҳам жасорат билан ташқи кўринишига ўзгаришлар киритиб боради. Балки актрисанинг айнан шу турмаги уни ҳамиша бир хил – ёш кўрсатар.

Дрю Бэрримор – 45 ёш

Дрю Бэрримор қувноқ, оптимист ҳамда романтик аёл. Унинг соч турмаги ҳам актрисанинг характерини акс эттиради. Ёқимли табассумга эга Дрю ҳажмдор турмак ва тилларангни яхши кўради.

Ҳелен Миррен – 75 ёш

Ёши ўтиб бораётганига қарамай, Ҳелен сочларини мунтазам равишда калталатиб туради. Унинг сочи қанча калта бўлса, шунча яхши. Сочларга оқ тушиши ҳеч нарсани англатмайди. Уларни бўяш билан муаммони бартараф этиш мумкин.

Камерон Диас – 48 ёш

Голливуд актрисаси ўзининг беқиёс ташқи қиёфаси ва энергиясига мос сарғиш сочни афзал кўради. Аммо у сочини бир маротаба жигарранг, кейин эса қора рангга бўяган. Кейинчалик сарғиш ранг ҳамда каскад уни янада гўзал аёлга айлантирган. Балки томошабинларга ҳам унинг ушбу кўриниши маъқул келар.