Футбол бўйича Испания чемпионатининг 2-туридан ўрин олган «Леванте» ва «Атлетико Мадрид» клублари ўртасидаги қолдирилган баҳс 17 февраль, чоршанба куни бўлиб ўтди.
Учрашувда кучлар тенг келди. Дастлаб беллашувнинг 17-дақиқасида мезбон жамоа футболчиси Энис Барди ҳисобни очган бўлса, 34-дақиқада Маркос Льоренте ҳисобни тенглаштирди. Ўйиннинг қолган вақтида дарвозаларга тўп киритилмади.
Шундай қилиб, Диего Симеоне шогирдлари 22 та учрашувда 55 очко жамғарган ҳолда яққол пешқадам бўлиб турибди. Жамоа захирасида яна бир учрашув бор. Пешқадамдан очко тортиб олишга муваффақ бўлган «Леванте» 28 очко билан 11-ўринда бормоқда.
Ла Лиганинг ўтган 23-туридан сўнг мусобақа жадвали қуйидагича кўриниш олди:
Ла Лига
2-тур қолдирилган ўйини
17 февраль, чоршанба
«Леванте»—«Атлетико Мадрид» 1:1
Голлар: 1:0 – 17 Барди, 1:1 – 37 Льоренте.«Леванте»: Фернандес, Клерк, Мирамон, Постиго, Робер, Малса, Барди (Рочина, 86), Радоя (Дуарте, 46), Де Фрутос (Сон, 82), Рохер Марти (Везу, 82), Моралес (Дани Гомес, 70).
«Атлетико»: Облак, Савич, Эрмосо, Врсалко (Кондогбиа, 46), Хименес, Коке (Торрейра, 81), Льоренте, Карраско (Жоау Феликс, 66), Сауль, Корреа (Витоло, 81), Суарес.
Огоҳлантиришлар: Сауль (26), Савич (42), Де Фрутос (45), Кондогбиа (51).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)