Тональ крем ундан фойдаланган аёл-қизларнинг тери рангига мос туриши, юзда йиғилиб қолмаслиги керак. Бунинг учун эса уни танлашда энг кўп қўйиладиган хатолар қайсилардан иборат эканлиги ҳақида маълумотга эга бўлиш керак.
1-хато: Тональ крем харид қилишдан аввал билакка суртиб текшириб кўриш
Билак ва юз ранги бир-бирга мос тушмайди. Шу сабаб ҳам тональ кремнинг терига тушиш ёки тушмаслигини яноқ ва иякка суртиб текшириб кўриш керак.
2-хато: Тональ кремни макияж устидан суртиб текшириб кўриш
Сиз суртган крем ранги сизга мос бўлган тақдирда ҳам устидан бошқа тональ крем суртилганда қўшилиб тамоман бошқача ранг ҳосил қилиши мумкин. Шунинг учун тозаланган терига суртинг.
3-хато: Дўкондаги тональь кремларни рангидан хулоса қилиб харид қилиш
Дўконлардаги ёруғлик билан ташқаридаги ёруғликлар ўртасида фарқ бор. Сунъий ёруғлик таъсирида ранглар бошқача кўринади. Харид қилишдан аввал тонал кремни бўйнингизга суртинг, ёруғликка чиқиб текшириб кўринг ва шунга қараб олиш-олмасликка қарор қилинг.
4-хато: Тўқ рангли тональ крем танлаш
Икки хил рангдан бирини танлашга қарор қила олмасангиз, иккаласини аралаштириб ишлатинг ёки очроғини харид қилинг.
5-хато: Тональ кремни яхшилаб сингдирмаслик
Тональ крем суртгандан кейин уни спонж ёки чйўтка ёрдамида яхшилаб сингдириш керак. Йўқса, тери устида йиғилиб қолади.
6-хато: Харидни кечаси амалга ошириш
Тери ранги ва аҳволи ҳар куни ҳар хил бўлиши мумкин. Юз чарчаганда, музлаганда сўлғин кўринади. Қоронғида эса бу кўзга ташланмаслиги ва билинмаслиги мумкин. Шу сабаб ҳам тональ кремни тиниқиб ухлаб тургандан кейин (тери дам олгач) синаб кўриш керак.
7-хато: Ҳаддан ортиқ қуюқ ва кремдан фойдаланиш
Тональ крем юзингизни буткул қоплаши шарт эмас, уни суртгандан кейин терининг табиийлиги кўзга ташланиб туриши керак. Юздаги камчиликларни яшириш учун консилер ва корректордан фойдаланинг.
Изоҳ (0)