«Оскар» мукофотининг тақдирлаш маросими киносаноатдаги энг асосий ҳодисалардан бири саналади. Карьерасини кино соҳасидан бошлаган юлдузлар ушбу мукофотга лойиқ кўрилиш учун ўзини ўққа-чўққа уриши мумкин, лекин улар орасида турли сабабга кўра ташриф буюрмайдиган ва мукофотни муҳим деб билмайдиган таниқли шахслар ҳам йўқ эмас.
Кендрик Ламар
Ламарнинг 2019 йилдаги маросимда Сиа билан бирга ижро этиши керак бўлган «Қора Пантера» фильмидагиAll the Stars қўшиғи куйланмай қолиб кетган. Бунга хонанда вақтни тўғри ҳисобламагани ва етиб келолмагани сабаб бўлган.
Уилл Смит
Уилл «Ҳимоячи» фильми номинацияга қўйилмагани сабаб маросимга ташриф буюрмаган. У 20 та номинациядан биттасига ҳам қора танли актёрлар номзоди қўйилмаганига норозилик билдирган.
Бэнкси
Британиялик сирли рассом анонимликни маъқул кўради. 2011 йилда унинг «Совғалар дўкони орқали чиқиш» номли фильми йилнинг энг яхши ҳужжатли фильми номинациясига номзод қилиб кўрсатилган, аммо муаллифга ниқобда келиш тақиқланган. Фильм ғолиб деб топилганидан кейин саҳнага беш нафар маймун ниқобидаги йигит ташриф буюриб уларнинг ҳар бири Бэнкси эканини айтган, шундан кейин фильм мукофотдан қуруқ қолган.
Роман Полански
2003 йилда «Пианиночи» фильми сабаб йил режиссёри деб топилган Роман мукофотни қўлга кирита олмаган. Бунга 1977 йилда можароларга аралашиб қолиб мамлакатдан чиқиб кетгани ва АҚШга кириши тақиқлангани сабаб бўлган. Статуэткани унинг номидан Харрисон Форд қабул қилиб олган.
Эминем
Рэпер 2003 йилда Love yourself саундтреки сабаб тақдирланиши керак бўлган, аммо унда иштирок эта олмаган. Миш-мишларга қараганда хонанда ухлаб қолган, унинг ўзи эса Бонони ютишига ишончи комил бўлгани сабаб келмаганини таъкидлаган.
Tерранс Малик
Афсонавий режиссёр ҳеч қачон тақдирлаш маросимига ташриф буюрмаган. «Ингичка қизил чизиқ» фильми эфирга узатилишидан аввал ортиқча маълумот овоза қилмаслик ҳақида битим имзолаганига қарамай продюсерлар тафсилотларни очиб ташлайдиган интервью берган. Унга сотқинлик қилишгани сабаб Малик энг яхши режиссёр номинациясидан ўрин олган бўлса ҳам ташриф буюрмаган. Фильм эса мукофотни қўлга киритмаган.
Майкл Кейн
1987 йилда актёр «Ханна ва унинг сингиллари» фильмидаги иштироки сабаб энг яхши иккинчи даражали актёр йўналиши бўйича статуэткага лойиқ деб топилган, аммо бошқа лойиҳада суратга тушиш билан банд экани сабаб тақдирлаш маросимига ташриф буюрмаган.
Вуди Аллен
Режиссёр деярли ҳеч ҳам тақдирлаш маросимига ташриф буюрмаган. 1978 йилда «Энни Холл» фильми уч йўналиш: энг яхши ижро, сценарий ва фильм бўйича мукофотга лойиқ деб топилган. 2002 йилда 11 сентябрь воқеаларидан кейин Нью-Йорк ҳақидаги фильм эса истисно бўлган. У тақдирланиш ғоясини ёқтирмаслигини таъкидлайди.
Кэтрин Хепбёрн
Тўрт карра «Оскар»га лойиқ топилган актриса бир марта ҳам тақдирлаш маросимига келмаган. У илк бор 1974 йилда Ирвинг Талбергнинг мемориал мукофотини тақдим қилиш учун маросимга ташриф буюрган. У «Инсон худбин бўлмай қўйиши учун 41 йил кутиши кераклигининг тирик исботиман», — деган.
Марлон Брандо
Актёр 1973 йилда «Чўқинтирган ота» фильмидаги Вито Корлеоне роли сабаб мукофотга лойиқ деб топилган, аммо шунга қарамай тақдирлаш маросимига ташриф буюрмаган.
Жорж Скотт
Жорж 1970 йилда «Паттон» фильмидаги роли учун номинацияга қўйилишидан бош тортган ва мукофотни қабул қилмаслигини билдирган. Статуэткани олмаган Жорж тақдирлаш маросимини икки соатлик кўзбоямачилик, деб атаган.
Элизабет Тэйлор
Актрисанинг турмуш ўртоғи Ричард Бартон Элизабет 1966 йилдаги тақдирлаш маросимини у сабаб ўтказиб юборганини маълум қилган. Ричард тўрт маротаба статуэткага лойиқ деб топилмаган ва бешинчи марта ҳам шундай натижа бўлишини истамаган. Гап шундаки, уларнинг ҳар иккиси ҳам «Ким Виржиния Вулфдан қўрқади» фильми сабаб номзодлар орасидан ўрин олганди.
Изоҳ (0)