Тошкент туманида 1994 йилда ўзаро отишма содир этган жиноий гуруҳдан тортиб олинган қуроллар Тошкент шаҳар Ички ишлар бош бошқармасида ташкил этилган шон-шараф музейида намойиш этилди.
«Дарё» мухбири Мусулмонбек Иброҳимовнинг музей маъмуриятига таяниб хабар беришича, 1994 йилнинг 12 апрель куни соат 17:00 ларда Тошкент туманида жойлашган «Дендропарк»да 2 та уюшган жиноий гуруҳ (Н.Косимов ва А.Газиев бошчилигида) аъзолари ўзаро жанжаллашиб қолган.
Автомат ва пистолетлар билан қуролланган жиноий гуруҳ аъзолари Тошкент шаҳри ҳудудини ўзаро бўлиб олиш мақсадида отишма содир этган. Натижада 5 нафар шахс воқеа жойида вафот этган, 2 нафари жароҳатланган.
Ички ишлар органлари томонидан жиноий гуруҳларнинг фаолиятига чек қўйилади. Улардан қуйидаги қурол-яроғлар тортиб олинган:
- 5,45 мм Калашников автоматлари;
- 7,65 мм Ceska Zbrojovka тўппончаси;
- 7,66 мм Valter тўппончаси;
- қуйма кастетлар;
- дубинкалар;
- нунчакилар;
- қирқма милтиқ.
Изоҳ (0)