Ой тақвимидаги энг муҳим байрам — шарқий Янги йил 12 февралда бошланди. Одатда у нафақат фестиваль ва сайллар, балки қариндош-уруғларникига меҳмонга бориш билан нишонланади. Анъанага кўра, байрам тахминан икки ҳафта давом этади. Бу йилги байрам пандемия шароитида қандай кутиб олингани ҳақида «РБК» фоторепортаж тайёрлади.
Гонконгдаги энг йирик ибодатхоналардан бири Вонг Тай Синда Янги йил байрами. Бу сафар ибодатхонада минглаб кишиларни жалб қиладиган анъанавий байрам тадбири ўтказиш бекор қилинди.
Маҳаллий ҳокимият чекловларни олиб ташламади: оралиқ масофа сақлаш мажбурияти кучда қолган, ресторанлар кечки олтидан кейин меҳмонларга хизмат кўрсатмайди.
Пекин, Хитой.
Бу йил COVID-19 тарқалиши бўйича янги ҳолатлар юзага келишидан қўрқиб Хитой ҳукумати фуқароларни муҳим бўлмаган саёҳатлардан воз кечишга чақирди. Саёҳатни амалга ошириш учун жўнаб кетишдан бир ҳафта олдин ўтказиладиган COVID-19’га тест натижаси салбий бўлиши ва сафардан қайтгач икки ҳафта карантинда ўтириш талаб қилинади.
Пекин, Хитой.
Гонконг.
Тайпей шаҳридаги ибодатхона, Тайван.
Бутун пандемия даврида Тайванда инфекцияга чалиниш ҳолати мингтадан кам қайд этилган бўлса-да, ҳукумат одамлар орасида ижтимоий масофани сақлаш, кўнгилочар паркларга ташрифларни камайтириш, транспортда овқатланишни тақиқлаш ва бошқа санитария чоралари устидан кучайтирилган назорат тўғрисида эълон қилди.
Тайпей, Тайван.
Манила, Филиппин.
Филиппиндаги хитойликлар бу йил Янги йилни оммавий йиғинларга чеклов қўйилган шароитда кутиб олмоқда.
Йокьякарта, Индонезия.
Индонезияда оилавий тадбирлар тақиқланиб, фестиваллар бекор қилинган. Мамлакатда вирус тарқалишининг яна бир тўлқини кузатилмоқда, кунига 10 мингдан ортиқ кишида касаллик қайд этилмоқда. Умумий ҳисобда Индонезияда 1 миллиондан ортиқ киши вирус юқтирган, 32 минг киши касалликдан вафот этган.
Бангкок, Таиланд.
Шаҳар маъмурияти анъанавий Янги йил байрамини бекор қилди, мамлакатда пандемия шароитида сайёҳлар одатдагидан анча кам.
Куала-Лумпур, Малайзия.
Мамлакатда ижтимоий масофа сақлаш талабидан келиб чиққан ҳолда оммавий тадбирлар, шу жумладан, катта оилавий ва дўстона учрашувлар тақиқланган.
Куала-Лумпур, Малайзия.
Аввалроқ Хитойнинг айрим шаҳарларида аҳолининг Янги йил байрамини уйда ўтказиши учун пул тўлаш бошлангани ҳақида хабар берилганди. Хитой Ой тақвими бўйича Янги йилни коронавирусга чалиниш бўйича янги ҳолатларсиз кутиб олмоқда.
Изоҳ (0)