Chevrolet Equinox автомобилларини етказиб бериш Ўзбекистонда тўхтатилади. Бу ҳақда UzAuto Motors матбуот хизмати хабар берди.

Фото: «Дарё»

«Моделлар қаторини янгилаш стратегияси сабабли Chevrolet Equinox’нинг ҳозирги авлоди ишлаб чиқарилиши тўхтатилади», – дейилади компания хабарда.

Ушбу моделни етказиб бериш бўйича шартномаларни олиш учун аризаларни рўйхатдан ўтказиш тўхтатилди.

Компания дилерлик марказлари билан биргаликда Equinox сотиб олиш учун аввалдан шартнома тузган сўнгги мижозларга тўлиқ етказиб бериш таъминланишини таъкидлаган.

Мавзуга доир: UzAuto Motors тақдимотини ўтказган автомобилларнинг барчаси хориждан импорт қилинади

Фото: Мадина Нурман / «Дарё»

Американинг Chevrolet автомобиль маркаси аввалроқ янгиланган Equinox ва Traverse кроссоверларини бозорга чиқариш саналарини эълон қилган эди. Дастлаб уларнинг савдоси 2020 йилнинг иккинчи ярмида бошланади деб тахмин қилинган эди, аммо карантин чекловлари туфайли янги маҳсулотлар сотуви бошланиш санаси ўзгартирилди.

Яқинда эълон қилинган маълумотларга кўра, бу ёзда Equinox ихчам кроссоверининг рестайлинг версиясини сотиб олиш мумкин бўлади, аммо аниқ санаси ҳали очиқланмаган. Янгиланган Traverse эса кузда бозорга чиқади.

General Motors яримўтказгич қисмларининг етишмаслиги сабабли тўртта заводда автомобиль ишлаб чиқаришни камайтириши ҳақида хабар берилган. АҚШ, Канада, Мексика ва Жанубий Кореядаги фабрикаларда ишлаб чиқаришни қисқартириш кутилмоқда. Чекловлар Chevrolet Malibu седани, Cadillac ХТ4 кроссоверлари, Equinox, Тrах (Tracker), GMC Terrain ва Buick Encore автомобилларини ишлаб чиқаришга таъсир қилади.

Ўзбекистон яқинда Хитойдан янгиланган Equinox автомобилларини қабул қилди. SAIC-GM компаниясидан 216 та автомобилнинг биринчи партияси 9 апрель куни темир йўл орқали етказиб берилди.

«Gazeta.uz» UzAuto Motors General Motors Overseas Distribution МЧЖ билан 2020–2021 йилларда 8750 Chevrolet Equinox автомобилларини етказиб бериш бўйича шартнома имзолаганини хабар қилди. Шартнома қиймати қарийб 200 миллион долларни ташкил этади ёки ушбу моделдаги ҳар бир автомобиль учун тахминан 22 845 доллардан тўғри келади. Ўзбекистонда Equinox 349 миллион сўмга (тахминан 33,1 минг доллар) сотиб келинган.

Аввалроқ Ўзбекистонда Tracker’нинг янги авлоди бир кунда сотилиб кетгани ҳақида хабар берилганди.