Навоий вилоятининг Зарафшон шаҳрида «Газель» юк машинасига тўқнашган Matiz’нинг 42 ёшли ҳайдовчиси касалхонада вафот этди. Бу ҳақда вилоят ҳокимлиги матбуот хизмати хабар берди.
Маълум бўлишича, 2 февраль куни соат 07:30 ларда 1996 йилда туғилган, Бухоро вилоятида яшовчи М.И. бошқарувида бўлган «ГАЗ 330202-244» (Газель) русумли автомашинани Зарафшон шаҳри ҳудудидан ўтувчи А-379 автомобиль йўлининг 203-километрида Зарафшон—Учқудуқ йўналиши бўйлаб бошқариб бораётган бўлган.
Олд томонидаги автомашинани қувиб ўтган вақтида қарама-қарши томонидан ҳаракатланиб келаётган 1979 йилда туғилган, Зарафшон шаҳрида яшовчи Н.И. бошқарувида бўлган Matiz русумли автомашина билан тўқнашган.
Оқибатда Matiz ҳайдовчиси Н.И. оғир тан жароҳати олиб, кўрсатилган тиббий муолажаларга қарамасдан, шифохонанинг жонлантириш бўлимида вафот этган.
Изоҳ (0)