Тўладан келган аёлларга қандай бичимдаги костюмлар ярашади? Актриса Ева Лонгория мисолида кўриб чиқамиз (фото)

Тўладан келган аёллар жакет танлашда хатоларга йўл қўймаслиги учун қуйидаги маълумотлар билан танишиб чиқиш тавсия этилади.

Актриса Ева Лонгория дўмбоқ аёллар сирасига киради. Айнан бу каби қомат эгаларига мос бўлган кийим танлаш бироз қийинроқ. Масалан, жакетнинг олд қисми жуда чуқур ўйилган бўлиб, бу қоматни янада кўпроқ бўрттириб кўрсатади. Ёдда тутиш керак, бўйин чизиғи қанчалик чуқур бўлса, кўкрак қафасини шунча кўпроқ намоён қилади.

Шунингдек, жакетнинг сиғими ҳам кичкина бўлиб, у фақат битта тугма ёрдамида ёпилади. Шунинг учун ҳам белда бурмалар ҳосил бўлган. Енгнинг узунлиги ҳақида ёзмаса ҳам бўлади, чунки узайтирилган енг бу жакетнинг бичимига мосланган. Аммо юқорида санаб ўтилган камчиликлар билан бирга енг ҳам ноқулайлик туғдиради.

Хўш, шунга ўхшаш қоматдаги аёллар нима қилиши керак? Биринчидан, тугмачали жакетларнинг қоматга мос келадиганини танлаш жуда қийинлигини тушуниш керак. Эҳтимол, бу тикувчининг маҳоратига ҳам боғлиқдир. Аммо тайёр кийимларни харид қилганда, қуйида бериладиган кўрсатмаларни инобатга олиш керак.

Агар жакет ёпишиб турадиган бичимда бўлса, унда белнинг олд ҳамда орқа томони ҳам мукаммал мос тушиши керак. Кўпинча буни дўмбоқ хонимлар эътиборсиз қолдириши мумкин. Лекин бурмалар қоматни янада ноаниқ қилади. Шунинг учун ҳам жакет танлашда бел қисмига алоҳида эътибор қаратиш тавсия этилади.

Тугма қанча кам бўлса, шунча яхши. Қомат янада ихчам кўринади.

Бўйин соҳаси исталганча чуқур бўлиши мумкин, аммо кенглиги меъёрида бўлиши керак. Шундагина қоматнинг визуал узунлиги намоён бўлади, кўкрак қафаси айланаси унчалик ҳам сезилмайди.

Тўладан келган аёллар жакетларни узун киймагани ҳам яхши. Бу бўйни паст ва янада семиз қилиб кўрсатиши мумкин. Аммо калта жакет кийишни хоҳламайдиганлар унинг жуда узун моделлари билан бўйни визуал тарзда узайтириши мумкин.

Икки кесмали жакетлар қоматни янада семизроқ қилиб кўрсатади.

Асосий сир шундаки, ҳар қандай жакетнинг тугмаларини бир-бирига ўтказмаган ҳолда кийган маъқул. Бу қоматдаги камчиликларни яширади.