Образ ўзига хос ва тўлиқ бўлиши учун кийимларни бир-бирига мослаш ва уйғунлаштиришни билиш керак. Бу борадаги тавсиялар сизга қўл келиши аниқ.
Тор шим ва кенг устки кийим
Тор ва ёпишиб турадиган шим кийгандан кейин устки кийимнинг кенг ва эркин турадиганидан танлаш керак. Скинни киядиган бўлсангиз, уни иссиқ тутадиган кенг кофта, жинсовка ёки елка қисми эркакларникига ўхшаш жакет билан мосланг.
Футболкани ҳам oversize вариантдагисини танлаш тавсия қилинади.
Кенг шим билан қоматни акс эттирадиган устки кийим
Мазкур мавсумда, айниқса, ҳар қачонгидан ҳам долзарб бўлган кенг шимни тор водолазка ёки свитер билан кийиш тавсия қилинади. Шим кенг бўлгани ҳисобига белга урғу берадиган устки кийимга эътибор қаратиш керак.
Баҳор фаслида ва кунлар иссиқ бўлганда эса белга урғу бериш билан бирга елкаси очиқ ва енги кенг бичимли кофталарга эътибор қаратиш тавсия қилинади.
Кенг шим ва устки кийим кийиб, белга урғу бериш
Кенг шим ва oversize жакет, блузка кийганда камар ёки белбоғ билан белга урғу беринг. Ё бўлмаса устки кийимни шим ичига киргизишингиз ҳам мумкин.
Ушбу усулдан фойдаланиб, тўқилган кардиган ва блейзерларни жинсининг бел қисмига киритинг. Елка ва пастки қисмнинг кенглиги билан бирга белнинг нозик бўлиб туриши трендга хос кўринишга эга бўлишингизга ҳисса қўшади.
Изоҳ (0)