Образнинг эсда қоларли, қизиқарли ва ўзига хос чиқиши учун рангларни бир-бирига мослашнинг аҳамияти катта. Рангларни уйғунлаштириб, ноодатий кийиниш учун кузатиш, эксперимент қилиш ва стереотиплардан воз кеча билиш керак. Бирга кийиб бўлмайди деб ҳисобланадиган, аслида эса жуда ҳам чиройли кўринишга сабаб бўладиган ранглар комбинацияси мавжуд. Қуйидаги маълумотдан эса бу борада шпаргалка сифатида фойдалансангиз бўлади.
Қизил ва пушти
Кўпчилик қиз ва аёллар қизил билан бирга пушти рангни кийиб бўлмайди, бу умумлашма ҳаддан ортиқ эътибор жалб қилади деб ўйлайди.
Аслида эса ундай эмас. Мазкур ранглар оддий образга ўзига хослик бахш этади ва бошқалардан ажралиб туришингизга сабабчи бўлади. Фақат қизил билан пушти мосланганда ортиқча аксессуарлардан қочиш, минимал услубдаги пойабзал ва сумка танлаш керак.
Тўқ кўк ва қора
Бундай образ зерикарли бўлади деб ўйлаганлар янглишади, бу умумлашма бир вақтнинг ўзида сипо ва дидли кўринишингизга сабабчи бўлади. Шу сабаб ҳам стилистлар кийиниш борасида ушбу рангларни мослашни тавсия қилади.
Бошдан оёқ қора кийиниб, кўк пиджак кийиш образни ёрқин аксессуарлар, занжир ёки пойабзал билан тўлдириш мумкин.
Қора ва пушти
Айримлар қора ва пуштини бир-бирига зид бўлган ранглар деб ҳисоблайди. Аммо сиз бундай фикрларга қулоқ солманг ва эксперимент қилиб кўринг.
Бошланишига оч пушти билан мослаб кўринг. Бошқаларга ўхшамасдан, шу билан бирга, бачкана бўлмаган услубда кийинишга ҳаракат қилинг.
Мавзуга доир:
Изоҳ (0)