Ҳам чиройли, ҳам қулай: Кардиган билан замонавий образ яратиш бўйича 7 тавсия (фото)

Кардиганлар қишки совуқ учун айни муддао ҳисобланади. Уни кўйлак, водолазка ва бошқа кийимлар устидан кийиш, исталган оёқ кийим ҳамда аксессуар билан мослаш мумкин.Узун кардиган

Бугунги кунда барчанинг гардеробида учратиш мумкин бўлган классик услубдаги тренчни узун кардиганга алмаштириш мумкин. Dolce&Gabbana бренди томонидан тақдим қилинган коллекциядан ўрин олган моделлардан эса бу борада илҳомланиш мумкин. Чоклари бўртган, шарф ўрнини босадиган, қалин ёқали вариант танланса яна яхши. Исталган рангдагисини танлаш уни футболка, жинси ва казаки билан бирга кийиш мумкин.

Ретро услубдаги кардиган

Узун кардиганнинг трендда экани 80 йилларда айниқса долзарб бўлган ретро кардиганларни кийишни истисно қилмайди. Бундай калта кардиганни бел қисми юқори бўлган юбка ва шимлар билан кийишингиз ва винтаж услубидаги зирак ва ободок билан образни янада қизиқарли кўрсатишингиз мумкин.

Миди узунлигидаги кардиган

Куртка ўрнига кийиш мумкин бўлган универсал мазкур кардиганни ҳамма кийимга мос тушадиган рангини танлаш тавсия қилинади. Ипак матоли либос устидан миди узунлигидаги кардиган ва ботинка кийиб трендда бўлишингиз мумкин. Мослаш борасида турли ғояларга эга бўлиш учун эса Sies Marjan брендининг Нью-Йоркдаги мода ҳафталиги суратларини томоша қилиш мумкин.

Накидка

Тепа қисмининг ўзидаги тугма билан қадаладиган устки кийим қайсидир маънода пончони ҳам эсга солади. Уни оқшом либослари устидан кийса ҳам бўлади. Танлов борасида ёпишиб турмайдиган ва бўйин қисми думалоқ бичимли кардиганларга эътибор қаратишингиз мумкин.

Ранг-баранг кардиганлар

Кардиган билан эсда қоларли образ яратиш учун унга мос рангдаги либос кийишнинг ҳожати йўқ. Масалан, Марни бренди сингари кардиган харид қилинг. Бичим, фасон ва узунликнинг аҳамияти унчалик муҳим эмас, асосийси уч хилдан кам бўлмаган ранг мужассам бўлса бўлгани. Кўйлак, жинси ва пошна, шунингдек, кроссовка билан мослашингиз мумкин.

Енг қисми кенг

Елка қисмидан билаккача кенг бўлган, бўшашмаган матодан тикилган кардиган танлашга ҳаракат қилинг. Fendi брендининг Миландаги мода ҳафталигида намойиш қилган коллекциясидаги моделлар образ яратишда ёрдам беради.

Янги классика

Юпқа матодан тикилган кардиганни ўз рангидаги футболка ва кўйлак билан кийинг. Eckhaus Latta дизайнерлари бир хил рангдаги кўйлак ва кардиган кийиб, тугмаларни бир хил кетма-кетликда тақишни маслаҳат беради.