«Дарё» мухбири Феруз Муҳаммад узоқ йиллар мобайнида пойтахтда ижара уйларда яшаб, ижаранинг турли хил қийинчиликларини бошидан ўтказган ва ўтказаётган таниқли инсонлар билан интервью қилди.
Улар суҳбат давомида неча йил ижарада яшагани, шу йиллар давомида неча маротаба ижара уйларини алмаштиргани ҳақида гапириб берди.
Ўн тўққиз ёшимда турмушга чиққанман. Турмушга чиққач Бухородан Тошкентга келганмиз. Жами бўлиб Тошкент шаҳрида саккизта ижара уйларда кўчиб яшаганмиз. Кўп маротаба ижара уйлардан «ҳайдалиш куйи» чалинган, сарсон-саргардонликлар кўп бўлган.Нозима Воҳидова, журналист, бошловчи
Таниқли журналист Абдукарим Мирзаев талабалигининг дастлабки йилларида ижарада яшагани, ижаранинг ҳар хил, хусусан, уч кунлаб очлик азобини ҳам кўргани ҳақида гапириб берди.
Юнусобод тумани бош имом хатиби Шайх Саййид Раҳматуллоҳ Термизий Сурхондарё вилоятидан 20 ёшида Тошкент шаҳрига келгани, ижара билан боғлиқ бир қанча муаммоларга учрагани ҳақида айтиб ўтди.
Чеченистон халқ артисти Сан Жай дастлаб Чеченистонда ижарада яшагани, ҳаттоки кўчада қолиб кетган кунларини эслади. Сўнгра Россиянинг Москва шаҳрида 15 йил давомида ижарада яшаб, ишлашга мажбур бўлганини маълум қилди.
Бастакор Элдор Қаюмов элликдан ортиқ оммалашган қўшиқлар муаллифи бўлишига қарамасдан, 21 йил давомида, ҳаттоки ҳозир ҳам ижарада яшаётгани ҳақида гапириб берди. Элдор Қаюмов 21 йил ичида 30 дан ортиқ уйларда ижарада яшаган.
Машҳур бошловчи Аҳрор Қўшматов 10 йил давомида Тошкент шаҳрида оиласи билан ижарада яшагани, кўчада қолиб кетган кунлари, ҳаттоки дўстлари ҳам эшик очмагани ҳақида аламли хотираларини эслади.
«Азон китоблари» бош муҳаррири Ҳусан Мақсуд талабалик давридан ҳозирга қадар ижара уйларда яшаётгани, ижара азобига чидай олмасдан кўплаб кучли мутахасислар чет элларга кетиб қолаётган ҳолатларни айтиб ўтди.
Ҳуқуқшунос, блогер Хушнудбек Худойбердиев 2003 йилдан 2014 йилгача, яъни 11 йил давомида ижарада яшагани ва бу жараёндаги қийинчиликлар, ижарада яшашнинг ҳуқуқий асослари ҳақида гапириб берди.
Изоҳ (0)