Франциялик рассом Эдуард Маненинг илгари кўргазмаларда намойиш этилмаган ит тасвирланган картинаси 26 февраль куни Париждаги аукционга қўйилади, деб ёзади The Guardian.
Маълумотларга кўра, Мане 1879 йилда ушбу картинани тез-тез ташриф буюриб турадиган ресторанининг эгасининг қизи — Маргарита Готе-Латюийга совға қилган. Картина 32,5 х 24,5 сантиметрли полотнога чизилган.
Санъатшунос Фредерик Шануанинг таъкидлашича, Минне лақабли ит тасвирланган картина 20 дақиқа давомида чизилган.
Сўнг 140 йил давомида картина Латюийлар оиласининг шахсий мулки бўлиб келган, уни сотиш борасидаги таклифларни рад этиб келган.
26 февраль куни аукционга қўйиладиган картина камида 280 минг еврога сотилиши режалаштирилмоқда.
Изоҳ (0)