Фарғона вилоятининг Данғара туманида табиий газ тармоғига ўзбошимчалик билан уланган оҳак ишлаб чиқариш цехлари фаолияти фош этилди. Бу ҳақда «Дарё»га Бош прокуратура матбуот хизмати хабар берди.
Маълум қилинишича, «Данғаратумангаз» бўлими собиқ раҳбари Х.Р. лавозимда ишлаган даврида мансаб ваколатини суиистеъмол қилиб, фуқаро А.Ю. ва А.К. олдиндан тил бириктириб, «Ж.» фермер хўжалигида оҳак маҳсулотлари ишлаб чиқарувчи 2 та цех ташкил этган. Газ етказиб бериш билан боғлиқ ҳужжатларни расмийлаштириб, 112 та қўлбола газ ёндиргичларни умумий фойдаланишдаги табиий газ тармоғига ўзбошимчалик билан улаган. Оқибатда газ таъминоти корхонасига 74,7 миллион сўм зарар етказган.
«Данғаратумангаз» бўлими собиқ раҳбари Х.Р. фаолияти давомида «Ж.» фермер хўжалигига қарашли оҳак цехида ўзбошимчалик билан табиий газ тармоғига уланганлиги юзасидан расмийлаштирилган далолатномалар бўйича 642,7 миллион сўм зарарни ундириш чораларини кўрмаганлиги аниқланган.
Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) 3-қисми, 205-моддаси (ҳокимият ёки мансаб ваколатини суиистеъмол қилиш) 2-қисми билан жиноят иши қўзғатилиб, тергов ҳаракатлари ўтказилмоқда.
Мазвуга доир:
- Асака, Фарғона ва Навоийда 739 млн сўмлик газдан ноқонуний фойдаланиш ҳолатлари фош этилди
- Сергелидаги қозонхонада ўртача 950 та ҳовли уйнинг бир ойлик эҳтиёжини қондириши мумкин бўлган табиий газ ўғирлангани аниқланди
- Тошкент вилоятида қарийб 3,2 млрд сўмлик газдан ноқонуний фойдаланиш ҳолати аниқланди
Изоҳ (0)