Ўзбекистонда 1 февралдан бензин нархи ошиши кутилмоқда

Ўзбекистон миллий валютасида белгиланган айрим акциз солиғи ставкалари 2021 йил 1 февралидан бошлаб оширилади.

Хусусан, айрим нефть маҳсулотларининг оширилган солиқ ставкалари эндиликда қуйидагича бўлади:

• 1 тонна Аи-80 бензини 240 минг сўм (2021 йил 1 январдан 200 минг сўм эди);
• 1 тонна Аи-91, Аи-92, Аи-93 ва Аи-95 бензини 275 минг сўм (2021 йил 1 февралга қадар 250 минг сўм);
• 1 тонна дизель ёнилғиси 240 000 сўм (40 минг сўмга қимматлайди).

Товар-хом ашё биржасида ўтказилган савдолар якунига кўра, биржа савдоларига 30 минг 426 тонна Аи-80 маркали автомобиль бензини қўйилди ва улардан 6 минг 520,5 тоннаси, яъни 21,4 фоизи сотилди.

Эслатиб ўтамиз, турли манбаларда келтирилишича, автомобиль бензинининг бир тоннаси ўртача 1293—1370 литрни ташкил қилади.