Саломатлигида муаммо сабаб «Элчининг қизи» сериалини тарк этган Неслиҳан Атагул, Instagram саҳифасидаги жонли эфир орқали аҳволи ҳақида мухлисларини хабардор қилди.
Актриса ўзини қандай ҳис қилаётгани ҳақида айтиб, қўллаб-қувватлагани учун барчага миннатдорчилик билдирган. «Ҳаммага салом! Биринчи навбатда ёқимли хабарларингиз, дуоларингиз ва илиқ тилакларингиз, шунингдек совғалар учун чин қалбдан миннатдорчилик билдираман. Мени ёлғиз қолдирмаганингиз учун раҳмат» – деган Неслиҳан.
Шунингдек, ўзини ёмон ҳис қилмаётгани, ҳаммаси жойида экани ва яхши бўлишга уринаётганини таъкидлаб, бироз дам олишга эҳтиёжи бўлгани сабаб ҳам айни вақтда дам олаётганини маълум қилган.
«Даволаш ишлари давом этмоқда, қанча кўп дам олсам, шунча ўзимни яхши ҳис қиляпман»,– деб қўшимча қилган Атагул.
Аввалроқ, Неслиҳан Атагулнинг лойиҳани тарк этганидан кейин Наре ролини ижро қилиш учун «Пул ва гул ишқи» ҳамда «Жасур ва гўзал» сериалларидаги роли билан яхши таниш бўлган Туба Буюкустун таклиф қилингани, шунингдек Гедиз ролини ижро қилган актёр Ураз Кайгилароғлунинг суратга олиш жараёнларида бошқа иштирок этмаслиги ҳақида хабар берилганди.
Мавзуга доир:
- «Элчининг қизи» турк сериалини икки актриса тарк этади
- Неслиҳан Атагул касал бўлиб қолди, Киванч Татлитуғнинг янги сериалдаги партнёри. Турк киноси янгиликлари
- Неслиҳан Атагул ва Керем 2020 йилнинг энг яхши турк актёрлари сифатида эътироф этилди (фото)
- Энгин Акюрек, Неслиҳан Атагул ва турк сериалларининг бошқа юлдузлари қанча гонорар олади?
- Несрин Жавадзаде «Қора ният»даги ҳамкасбига кўнгил қўйди, Неслиҳан Атагул халқаро лойиҳада. Турк киноси янгиликлари
Изоҳ (0)