ФИФА, УЕФА, ОФК ва яна тўртта минтақа конфедерациялари Европа Суперлигасининг ташкил этилишига қарши чиқди.
«Европа Суперлигасининг ташкил этилиши ҳақида ОАВда янграган сўнгги хабарлар юзасидан шуни яна қайтариб айтамизки, бундай мусобақа ФИФА ва конфедерациялар томонидан тан олинмайди.
Бундай мусобақада иштирок этган ҳар қандай клуб ёки ўйинчи ФИФА ва конфедерациялар томонидан ташкил этиладиган мусобақаларга қўйилмайди.
Клуб футболида ФИФА тан оладиган ягона халқаро мусобақа бу — клублар ўртасидаги Жаҳон чемпионати. ФИФА тан оладиган минтақавий мусобақалар эса конфедерациялар томонидан ташкил этиладиганларидир.
Спорт принциплари, бирдамлик, даражадаги пасайиш ва кўтарилиш футбол пирамидасининг асосини ташкил қилади. Мана шу принциплар эвазига футбол узоқ йиллик ва муваффақиятли тарихга эга.
Халқаро ва минтақавий мусобақаларда иштирок этиш ҳар доим майдондаги ўйин эвазига қўлга киритилиши керак», — дейилади баёнотда.
ФИФА тасарруфига Жаҳон Чемпионати, Конфедерациялар Кубоги ва клублар ўртасидаги Жаҳон чемпионати киради. УЕФА эса Европа чемпионати, Чемпионлар Лигаси ва Европа Лигаси мусобақаларига жавоб беради.
Мазкур баёнотни барча минтақалар (УЕФА, ОФК, CONMEBOL, CAF, Concacaf ва OFC) конфедерациялари қўллаб-қувватлаган.Шунингдек, Европа Иттифоқи комиссияси ҳам УЕФА қўллаб-қувватлади ва Суперлига ташкил этилишига қарши эканини маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)