Футбол бўйича Англия Премьер Лигасининг қолдирилган 1-тур баҳсида «Ливерпуль» 21 январь, пайшанба куни «Бёрнли»ни қабул қилди.
Учрашувда устунликка эга бўлган мерсисайдлар буни ҳисобда акс эттира олмади. 83-дақиқада Эшли Барнс пенальтини аниқ ижро этган ҳолда меҳмонларга ғалаба келтирган голга муаллиф бўлди.
Шу тариқа «Ливерпуль»нинг Премьер Лига 68-ўйиндан иборат уй учрашувларидаги мағлубиятсиз сериясига якун ясалди.
«Қизиллар» 34 очко билан 4-ўринда бормоқда ва пешқадам «Манчестер Юнайтед»дан олти очко ортда қолган. «Бёрнли» эса очколарини 19 тага етказиб олиб, 16-поғонага кўтарилди.
АПЛ
1-тур баҳси
21 январь, пайшанба
«Ливерпуль» — «Бёрнли» 0:1
Гол: 0:1 – 83, пенальти Барнс.«Ливерпуль»: Алиссон, Александер-Арнольд, Робертсон, Матип, Фабиньо, Тиаго Алькантара, Окслейд-Чемберлен (Фирмино, 57), Шакири (Минамино, 84), Вейналдум, Мане, Ориги (Салоҳ, 57).
«Бёрнли»: Поуп, Ми, Лоутон, Тэйлор (Питерс, 50), Тарковски, Вествуд, Брэйди (Гудмундссон, 65), Браунҳилл, Макнил, Вуд, Барнс.
Огоҳлантиришлар: Барнс (39), Фабиньо (45), Матип (87).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)