Атир узоқ туриши учун вазелин ва косметикадан пул тежашга ёрдам берадиган 15 лайфхак

Чиройли кўринишга эга бўлиш учун пул сарфлаш ва қиммат косметик воситаларни харид қилишга ҳожат йўқ. Уйда бор нарсалардан фойдаланиб, бир оз вақт сарфлашнинг ўзи керагидан ортиқ ижобий натижа беради.

Соч гуллашига қарши кокос ёғи

Кокос ёғи соч толаларини тиклашда самарали ҳисобланади. Таркибида оқсил бўлгани сабаб нафақат соч толалари, балки бош териси учун ҳам фойдали.

Пуркагичли идиш юз учун косметик восита сифатида

Бўш, пуркагичи бор идиш ичига минерал ёки фильтрланган сув ва бир чой қошиқ туз қўшиб, юзингизни тозаловчи восита сифатида фойдаланинг.

Соч токланишини нам салфетка билан бартараф қилинг

Соч токланишини бартараф қилишга оддий нам салфетка ёрдам беради. Бунинг учун салфеткани соч узунлиги бўйлаб юргизинг.

Ниқоб ва крем ўрнига қатиқдан фойдаланинг

Қуёш нуридан куйган бўлсангиз, сметана ёки қатиқ самара беради, шунингдек, сочга ниқоб қилишда ҳам қатиқдан яхшиси йўқ. Бундай ниқоб турмакланганда шикастланган соч толаларининг тикланишига ҳам ёрдам беради.

Тоник ўрнига олма сиркаси

Оддий олма сиркаси юздаги ёғли ялтирашдан қутулишга ёрдам беради. Пахтали дискка томизиб, юзингизни ёғли қисмини артинг. Шунингдек, сиркадан соч парваришида ҳам фойдаланиш мумкин.

Макияж ўчирадиган восита ўрнига зайтун ёғидан фойдаланинг

Макияжни ўчириш учун косметик восита ўрнига зайтун ёғидан фойдаланиш мумкин. Агар сув ва ёғ билан бирга тозалайдиган бўлсангиз, юзингиз нафақат тоза, балки бахмалдек силлиқ бўлади.

Кўз остидаги ҳалқаларни йўқ қилишда пакетли чойдан фойдаланинг

Чой барглари таркибидаги кофеин кўз остида акс этган шишларни кетказишда самара беради. Совуқ сувга ботириб олинган пакетли кўк чойни 5-10 дақиқага кўзингиз остига қўйинг.

Скотч ёрдамида стрелка чизиш мумкин

Подводка ёрдамида стрелкани суркаб юбормасдан чизишни истаганлар учун скотч ёрдам бера олади. Бунинг учун скотчдан кичик бўлак кесиб кўзнинг ташқи бурчагига ёпиштиринг ва стрелканинг ташқи учини унинг чети бўйлаб чизинг. Фақат киприкларга эҳтиёт бўлинг.

Тишларни тозалаш учун содадан фойдаланинг

Тиш ювиш пастасига ичимлик содасини қўшиб аралашма ёрдамида тишларингизни тозаланг. Сода чой ва қаҳвадан сарғайиб қолган тишни оқартиради.

Сули ёрмасидан ванна

Таркибида терини намлантириш хусусиятига эга бўлган ёғлар бўлгани сабаб сули ёрмасидан тайёрланган ванна фойдали ҳисобланади. Бунинг учун сув тўлдириш ва унга 200-300 грамм сули ёрмаси қўшиш кифоя.

Жигарранг шакардан тери учун скраб тайёрланг

Жигарранг шакар тери учун идеал скраб. У тери ҳужайраларини янгиланишига ёрдам беради. Бунинг учун фойдаланадиган душ гелига шакар аралаштиринг ва терига массаж ҳаракатлари билан суртинг.

Атир узоқ туриши учун вазелиндан фойдаланинг

Атир сепишдан олдин бўйин ёки билак соҳасига вазелин суртинг. Ёғланган терига сепилган атир ифори узоқ вақт туради.

Тиш чўткаси ва пастаси ёрдамида тирноқдаги сарғайишни кетказинг

Тиш чўткаси ва оқартирадиган пастадан фойдаланиб тирноқнинг сарғайишини кетказиш мумкин. Гап шундаки, паста таркибидаги водород периоксиди тирноқдаги доғларни кетказиш хусусиятига эга.

Тиш ювиш пастасидан кумуш буюмларни ювишда фойдаланинг

Тиш ювиш пастасидан, шунингдек, кумуш буюмларни тозалашда ҳам фойдаланса бўлади. Қорайган кумуш узукни ушбу восита билан ювгандан кейин ижобий натижа дарҳол кўзга ташланади.

Қаҳва ва ўсимлик ёғидан скраб

Қаҳвага бир неча томчи ўсимлик ёғи томизиб, танангизга суртинг. Қаҳва таркибидаги кофеин селюллитга қарши курашишда самара беради, ёғ эса терини намлантиради.