Пекин жанубида жойлашган Хебей провинциясининг Ланфан шаҳри аҳолиси коронавируснинг янги тўлқинининг олдини олиш учун уй шароитида етти кунлик ўзини ўзи яккалаш тартибга ўтди. Шаҳарда 5 миллион аҳоли истиқомат қилади, деб ёзади «РБК».
12 январь куни маҳаллий ҳукумат томонидан бепул ПЗР-тестдан ўтказиш бошланган бўлиб, у 14 январга қадар давом этади. Бундан ташқари, транспорт воситалари ҳаракати ҳам чекланган. Шаҳарни фақатгина фавқулодда ҳолатларда тарк этиш мумкин.
Хитой Соғлиқни сақлаш миллий комиссияси маълумотларига кўра, Хебей провинциясида жами 40 кишида коронавирус аниқланган, Ланфан шаҳрида — бир кишида. Вирус аниқланган аёл 31 декабрь куни ўтган ҳафта коронавирус билан касалланиш ҳолати кузатилган Шисзячжуан шаҳрида бўлган.
Аввалроқ коронавируснинг янги штамми Хитойгача етиб боргани тўғрисида хабар берилганди.
Мавзуга доир: ЖССТ Хитойни COVID-19’нинг келиб чиқишини аниқлаш учун экспертларни мамлакатга киритмасликда айблади
Ҳозиргача янги штамм Буюк Британиядан ташқари Нидерландия, Австралия, Дания, Бразилия, Германия, Швейцария, Франция, Япония, Жанубий Корея, Иорданияда, БАА ҳамда АҚШда аниқланди.
Изоҳ (0)