Британияда Бен Хоган исмли мобил дастурчи маҳсулотларни ташишга мўлжалланган Starship роботи ёрдамида севган қизининг қўлини сўради, деб хабар беради «Korrespondent.net».

Фото: Twitter / Starship

Таъкидланишича, ҳозирда Буюк Британия жануби-шарқида жойлашган Милтон-Кинд шаҳри аҳолиси ўзини ўзи яккалаш тартибига ўтган бўлиб, одамларга маҳсулотларни роботлар етказиб бермоқда.

Роботлар Хоганнинг суюклисига жуда ёққани сабаб, эркак Starship Technologies компаниясидан Рождество арафаси машиналардан бирини никоҳ узугини элтиб бериш учун Кемстон шаҳрига юборишни сўраган. Бен ўз илтимосига ижобий жавоб бўлишини кутмаганини маълум қилган.

«Бизда роботлар йўқ, биз уларнинг фаолияти доирасидан ташқарида жойлашганмиз. Бироқ улар робот бу қадар узоққа келиши учун қандай сеҳр қўллаганини билмайман, аммо жуда миннатдорман», — дейди у.

Бен ва Шерри Буюк Британияда жорий этилган биринчи локдаундан олдин учраша бошлаган. Уларнинг тўй санаси мамлакатдаги коронавирусга оид вазиятга боғлиқ. Жуфтлик Starship роботи меҳробда ҳам узук олиб келишига умид қилмоқда.