Саёҳатчилар томонидан Ирландиядаги ўрмонларнинг бирида суратга олинган «сочсимон муз» сурати интернетда кенг муҳокамаларга сабаб бўлди, деб ёзади «Hi-Tech.Mail.ru».
Ўрмонни айланиб юрган бир гуруҳ сайёҳлар дарахтлардаги ноодатий қорни пайқаб қолган — қорпарчалар пахтақандга ўхшаб кетган. Улар худди дарахт шохлари билан бирга ўсгандек. Саёҳатчилар дарахт яқинига бориб, бу қор эмас, балки муз толаларининг жамланмаси эканлигига гувоҳ бўлган.
Табиат ҳодисаси тасвирланган сурат Twitter’га жойлаштирилган бўлиб, у ерда кенг муҳокамаларга сабаб бўлган. Фойдаланувчилар муз иплар чириётган нам дарахтларда ҳаво ҳарорати Цельсий бўйича 0 даражага тушганида ҳосил бўлади, деган хулосага келган. Ушбу ҳолатни ўрганиш учун 2015 йилда тадқиқот ўтказилган: ўшанда олимлар «муз соқоллар»нинг пайдо бўлишига Эхидиопсис эффусе замбуруғи таъсир кўрсатишини аниқлаган.
Замбуруғ дарахт чиришни бошлаган вақтида йирик муз кристалларининг шаклланишига тўсқинлик қиладиган алоҳида моддалар гуруҳини ажратади. Уларнинг ўрнига майда толалар пайдо бўлади. Бу асосан Шимолий яримшардаги баргли ўрмонларда кузатилади. Бунга қадар АҚШ, Канада, Россия, Швеция ва Германияда ҳам «сочсимон музлар» кузатилган.
Аввалроқ Россиядаги сув омборида камёб табиат ҳодисаси — «муз гуллар» суратга олингани тўғрисида хабар берилганди.
Мавзуга доир: Фото: Булдуруқистонга айланган Ўзбекистон
Изоҳ (0)