Шоу-бизнес вакиллари кўп бора танқидларга учрайди, аммо айрим вақтда бунга фарзандидан пул ва қимматбаҳо совғаларни аямагани сабаб бўлади.
Карди Би ва Offset
Америкалик реп йўналишида ижро қиладиган хонанда қизининг биринчи туғилган кунига Word Party мультфильми қаҳрамонлари сурати туширилган тақинчоқ совға қилган.
Бриллиантлар, оқ олтиндан иборат тақинчоқ нархи 100 минг долларни ташкил этган. Калчернинг иккинчи туғилган кунига эса отаси Hermès Birkin сумкасини тақдим қилган. Instagram’да видео эълон қилинганидан кейин ҳар бир мода ихлосманди вакили орзу қиладиган сумканинг ёш болага совға қилиниши кўплаб танқидларга сабаб бўлган.
Ким Кардашьян ва Канье Уэст
Ўтган йилдаги Рождество байрамида Ким ва Канье қизига Майкл Жексонга тегишли бўлган, бахмал пиджакни совға қилган. Нью-Йоркда аукционга қўйилган пиджак, Майклнинг кичик мухлиси бўлган Nort учун 65625 долларга сотиб олинган. Ушбу кийимда поп қироли бир неча марта, хусусан, яқин дўсти Элизабет Тэйлорнинг 65 ёшга тўлиши муносабати билан ташкил қилинган зиёфатда ҳам намоён бўлган.
Кичик хонимчага ушбу кийим тўғри келиши учун ўзига мос қилиб берилган, аммо Ким қизи катта бўлганида пиджакни ўз ўлчамига қайтаришни режалаштиришини маълум қилган.
Кайли Женнер
Кайли ҳам қимматбаҳо совға улашишда опасидан қолишмайди. Ўтган йили у қизи Стормининг арча тагидан ўнлаб ўйинчоқлар орасидан бриллиант узук топиб олгани акс этган видео билан бўлишган. Кўплаб танқидлардан кейин Кайли, видеони ўчиришига тўғри келган.
Кейинроқ эса пони (кичик от) совға қилгани ҳам мухлислар томонидан илиқ муносабатларига сабаб бўлмаган ва ушбу постни ҳам ўчириб юборган.
Виктория ва Дэвид Бекхем
Бекҳэмлар қизининг биринчи туғилган куни учун таниқли рассом Демиен Ҳерст томонидан чизилган, нархи 600 минг фунт стерлинг (819,789 доллар) бўлган юрак суратини совға қилган. «Отасининг қизи» деб номланган пушти сурат капалаклар билан безатилган.
Бейонсе ва Жей-Зи
Қизининг биринчи туғилган куни учун машҳур жуфтлик 200 минг доллар эвазига байрам зиёфати уюштирган. Совға сифатида эса 80 минг долларлик, 160 дона бриллиант ва оқ тилла билан безатилган безатилган Barbie’ни танланган.
Бу ҳали ҳаммаси эмас, иккинчи туғилган кунига Блю Айви, ота-онасидан икки кичик машина пушти Cadillac ва Ferrari қабул қилиб олган.
Сандра Буллок
Фарзандида болалигидан санъатга бўлган муҳаббат уйғотишни истаган актриса, ўғлининг икки ёшида машҳур америкалик рассом Энди Уорхол қаламига мансуб суратни совға қилган. «Шафтолилар» деб номланган суратни Сандра аукционда 14 минг доллар эвазига сотиб олган. Аукциондан тушган маблағлар хайрия мақсадида сарфлангани туфайли мухлислар унинг бу харажатини у қадар танқид қилмаган.
Изоҳ (0)