Фото: Бир либоснинг бошқа бир одамда тамоман бошқача туриши юлдузлар мисолида

Ўз кийиниш услубига эга бўлиш яхши, аммо у ёки бу кишига ёққан либосга бошқа бир одам ҳам кўз тиккан бўлади. Шу сабаб ҳам ишга янги кўйлак кийган қиз ёки аёл орадан бир неча кун ўтиб худди ўзидагидек либосни бошқа бир одамда кўради. Бу ҳолат юлдузларга ҳам бегона эмас, буни қуйидаги суратлардан ҳам билса бўлади.

Сигурни Уивер ва Жейми Ли Кертис

«Такрор сен» фильмининг премьерасига актрисалар David Meister’нинг феруза рангли либосида ташриф буюрган.

Николь Кидман ва Рейчел Макадамс

Николь Австралиядаги тақдирлаш маросимига қора гипюр матосидан тикилган либос кийган. Орадан бир ҳафта ўтиб эса унинг ҳамкасби Рейчел Германиядаги фильм тақдимотига худди шундай либосда борган.

Майли Сайрус ва Штеффи Граф

Майли суратдаги либосни МТV тақдирлаш маросимига кийган. Собиқ теннисчи эса бундай кўйлак билан хайрия тадбирига ташриф буюрган.

Ким Кардашьян ва Миранда Керр

Суратдаги қора калта либосни Ким шахсий косметика брендининг тақдимотига, Миранда эса кино премьераси учун кийишни маъқул топган.

Ребекка Холл ва Эмма Робертс

Британиялик актриса тақдирлаш маросими учун, америкалик актриса эса опера премьераси учун қора рангли, белида қизил безаги бор либос танлаган.

Кейт Мосс ва Ясмин Ле Бон

Моделлар Стелла Маккартнинг мода намойишига узунлиги ва рангини айтмаганда бир хил либосда ташриф буюрган. Кейт узун, кўк рангини Ясмин эса калта қорасини танлаган.

Шинейд Коннор ва Элза Зильберштейн

Ранги ўхшаш бўлган, юмшоқ кардиган хонанда ва актрисани бефарқ қолдирмаган. Шинейд ушбу кардиганни «Сирли Алберт Ноббс» фильмининг премьерасига Эльза эса модалар ҳафталигига кийишни афзал билган.

Кетрин Зета-Жонс ва Сара Хайленд

Dolce & Gabbana’нинг оч сут рангли, узун либосига бир вақтнинг ўзида икки Голливуд юлдузи ошуфта бўлган. Кетрин ушбу образда «Зорро» блокбастерининг премьерасига, Сара эса «Олтин глобус» тақдирлаш маросимига борган.

Кейт Уинслет ва Сьюзан Сарандон

Ушбу икки Голливуд юлдузининг ҳам кийиниш борасидаги қарашлари ўхшаш, чоғи. Кейт, Stella McCartney’нинг мазкур кўйлагини фильм премьерасига, Сарандон эса хайрия кечасига кийган.