Ҳар қайси даврда турли кўринишга эга бўлган соч турмаклари урфда бўлган. Аммо бугунга келиб ҳаммаси бошқача. Айнан муайян бир узунлик эмас, юз шакли, қомат ва феъл-атворга мувофиқ танланган соч турмаги долзарб. Миср маликаси Клеопатранинг ўзига хос кўринишига сабаб бўлган каре узунлигиидаги соч турмаги ёш кўрсатиш билан бирга, банд ва ортиқча вақти йўқ нозик жинс вакиллари учун қулай ҳамдир.
Замонавий кўринишингизга сабабчи бўлади
Мода оламининг энг кўзга кўринган вакилларидан ҳисобланган 70 яшар Анна Винтурнинг сочи 14 ёшидан буён каре. Vogue журнали бош муҳаррирининг ушбу соч турмаги билан қора кўзойнаги ўзига хос образ эгаси бўлиб кўринишига сабабчи бўлади. Винтурнинг қошигача қалин ва текис чёлкаси бор ва сочининг узунлиги иякларига тушиб туради.
Топ-моделлар танлови
Бугунги куннинг энг машҳур моделлари Белла Хадид, Хейли Бибер, Кендалл Женнер, Ирина Шейк ва Кара Делевин ҳам каре узунлигидаги соч турмагини маъқул билади. Улар юзни озғин ва ихчам кўрсатгани сабаб ҳам сочини иякдан бироз тушиб турадиган узунликда каре қилиб кестиради.
Ёш кўрсатади
Карени ёш кўрсатишига 51 яшар актриса Кейт Бланшет мисол бўла олади. У вақти-вақти билан кестириб, сочининг ён қисмидан фарқ очишни хуш кўради.
46 яшар Сара Полсон эса яноқларига урғу бериш учун текислиги бир хилда бўлган карени танлайди.
Турмаклаш осон
Каренинг яна бир абзаллиги ортиқча парвариш ва вақт сарфлашга ҳожат йўқлигида. Уни ювиш ва қуритиш узун сочдан анча осон ҳамда тез. Қолаверса, номига жингалак қилиш ҳам мумкин, бу борада Жейн Фондадан илҳомланса бўлади.
Жозибали кўрсатади
Актриса Софи Марко бошқа француз юлдузлари сингари чёлка билан каре узунлигидаги соч турмагини абзал билади. Бундай вариант кенг пешонани ёпиб, ажинларни яширади. Чёлкани қалин, ораси очиқ ҳамда турли узунлигидагисини танлаш мумкин.
Образни янгилайди
Узун сочли қиз ва аёлларнинг юз тузилишига мос равишда сочини каре қилиб кестириши образни янги ва ўзгача кўрсатади.
Сочнинг учи «гулламайди»
Турмакнинг тартибсиз кўринишига кўп ҳолларда соч учининг «гуллаб» кетгани сабаб бўлади. Каре эса бу муаммога ечим бўлиши мумкин. Образ зерикарли бўлмаслиги учун турли аксессуар ва заколкалардан фойдаланиш тавсия қилинади. Бу борада Голливуд юлдузи Марго Роббидан ўрнак олиш мумкин.
Изоҳ (0)