Байрам ва алоҳида кунларда аёл-қизлар ҳар қачонгидан ҳам бошқача ва гўзалроқ кўринишни истайди. Ўзига хос кўринишга эга бўлиш учун эса нафақат либослар, балки макияж ҳам муҳим роль ўйнайди.
Макияжга юзни тайёрлаш
Макияждан аввал юзга база суртишни унутманг. Шундан кейин исталган экспериментни синаб кўришингиз мумкин. Юзингиз узоқ вақт тиниқ ва кўнгилдагидек туриши учун тонал крем танлашда эҳтиёткор бўлинг. У ялтиратиб қўймагани ва шу билан бирга таркибида терини қуритиб қўймайдиган моддалар бўлгани, намлантириб тургани яхши. Бу борада себум ишлаб чиқарилишини яхшилайдиган ва намликни ушлаб турадиган кремлар айни муддао.
Урғу бериш
2021 йил сигир йили экани сабаб ҳам янги йилда, айниқса, металл ранглар долзарб бўлади. Қовоқларга тўлиқ металл рангли тен суртишингиз ёки бошқа ранг билан умумлаштиришингиз мумкин.
Подводка суртишда аҳамият бериш керак бўлган жиҳатлар
Тендан кейин подводка суртиш образингизни якунловчи нуқта бўлиши мумкин. Юқори қовоқ киприклари бўйлаб ингичка қилиб подводка суртинг. Бунда кўзларингиз яна ҳам катта ва шаҳло кўринади. Қолаверса, иккиталик стрелка чизсангиз ҳам бўлади.
Лаб бўёғи
Лабга урғу беришни истасангиз, ёрқин ва тўқроқ ранглардан фойдаланинг. Байрамона кайфият бахш этиш учун металл тусли бўёқдан фойдаланганингиз яхши. Макияж узоқ вақт туриши учун худди шундай рангли қаламдан фойдаланинг. Кўзларга урғу беришни унутманг. Киприклар қалин туриши учун тушдан фойдаланинг.
Кўзга урғу бериш
Туш суртишдан 10 дақиқа аввал туш идишини иссиқ сувга солиб қўйинг, бунда яна ҳам яхши суртилади, киприклар ёпишиб қолмайди. Суртиб бўлгандан кейин чўткани салфетка билан артиб ташланг. Тушни зиг-заг ҳаракатлар билан бир қават қилиб суртинг. Қотганидан кейин иккинчи ва учинчи марта суртинг. Уни тўғри сақлашни уддасидан чиқсангиз, туш узоқ вақт хизмат қилиши мумкин. Фойдалангандан кейин қопқоғини яхшилаб ёпмасангиз ҳаво кириб, қотиб қолиши мумкин.
Изоҳ (0)