Бугунги кунга келиб косметологияга бўлган талаб бошқа соҳаларга нисбатан кўп бўлса кўпки, аммо кам эмас. Йиллар ўтиши, технология ва мижозларнинг талабига қараб эса ундаги трендлар ҳам ўзгариб боради. 2021 йилда нималар долзарб бўлиши ҳақида шифокор-косметолог Александр Юревич Головков жавоб беради.
Ультратовушли Smas-лифтинг, пластик жарроҳликка альтернатив сифатида
Аввал юз шакли фақатгина жарроҳлик амалиёти билан тиғ ёрдамида ўзгартирилган бўлса, бугунга келиб бунга ҳожат қолмади. Ультратовушли Smas-лифтинг билан тиғ тегизмасдан туриб ҳам юз ва терини таранглаштириш мумкин. Бунда ультратовуш коллаген ҳужайраларига таъсир кўрсатади ва ёғ ҳужайраларини камайтиради. Тери таранглашади, тортилади ва пластик амалиётдан кўра анча самарали натижага эришилади. Ушбу жараённи амалга оширадиган аппаратларнинг тури ҳам кўп ва уни танлаш косметолог шифокор хоҳишига боғлиқ.
Муолажаларнинг умумлашмаси
Шифокор мутахассислар бир сеанснинг ўзида бир нечта муолажани умумлаштиришни тавсия қилади. Бунга уларнинг бир-бирини тўлдириш ва тезроқ кутилгандан ҳам аъло самара бериши ва узоқ вақтга етиши сабаб. Масалан, лазерли муолажанинг лифтинг ёки плазмотерапия билан бир вақтда амалга оширса бўлади. BBL билан мезотерапия ва биоревитализация ҳамда плазмолифтингни ҳам умумлаштириш мумкин. BBL терапия, Smas-лифтингни бир вақтда бажарилиши эса мижозлар томонидан ҳам энг талаб кўп бўлган муолажа ҳисобланади.
Ёш мижозлар сони кўпаяди
Эстетик тиббиёт нафақат, ёши катталар, балки исталган ёшда териси гўзал ва соғлом бўлишини истаган ҳар қандай ёшдаги аёл-қизлар учун айни муддао. Ёшларга мезотерапия коктейллари, асосида гиалурон кислота, аминокислота бўлган, терини намлантириш, майда ажинларни камайтириш ва тери рангига ёрқинлик бахш этадиган биоревитализация тавсия қилинади. 2021 йилда табиий кўриниш, ортиқча шишириб юборилмаган яноқлар урфда бўлади. Косметологга мурожаат қиладиганларга эса юзнинг табиий тузилишидан келиб чиқиб шунчаки озгина урғу бериш тавсия қилинади.
Аппаратли косметология
Нафақат 2021 йилда, балки яқин келажакда ҳам бундай косметология узоқ вақт долзарб бўлишига шубҳа йўқ. Лифтинг ва BBL (фототерапия) қилдирган мижозлар инексион муолажалардан фойдаланишни истамай қолгани кўп кузатилган. Шунингдек, Profhilo биоревитализантлари ҳам машҳурлик борасида ортда қолмади. Ушбу техника асосида муолажа олиб бориш тез амалга оширилади ва ундан кейин шишлар қолмайди. Ундан қисқа вақт кейин юз таранг ва соғлом кўринади.
Кўзга урғу бериш
Косметологияда трендлар мода ёки гўзаллик саноатидаги сингари тез ўзгаргани билан 2020 йилда ҳаммаси бошқачароқ бўлди, бунга эса деярли йил давомида ниқоб тақиб юриш сабаб бўлди. Ниқоб таққанда юзнинг пастки қисми ёпилиб тургани боиси ҳам эътиборни кўз, кўз атрофидаги соҳа жалб қиладиган бўлди ва косметологлар ҳам шунга биноан шу соҳа билан кўпроқ муолажаларни амалга оширишни бошлаб юборди. 2021 йилда ҳам бу давом этиши кутилмоқда.
Юзнинг барча қисмини ботокс қилиш
90 йилларда ботокс қилдирганларнинг аксарисида юзининг шишиб кетиши, ажинлар кўринмай, нотабиий кўриниши кузатилган. Аммо йиллар давомида ботокс борасида амалга оширилган бир қанча тадқиқотларга кўра, бугунги кундагиси аввалгидан фарқ қилиши, пухта ишлаб чиқилгани ҳамда ҳатто тажрибаси кўп бўлмаган косметолог ҳам кам хатога йўл қўйиши аниқланган. Бу асосан юзнинг пешона, қош ораси ва кўз атрофидаги қисмига тегишли. Аммо сўнгги йилларда ботулотоксин препарати юзнинг пастки қисми, бўйин ва елка соҳаларида ҳам фаол қўлланилмоқда. Бундай муолажага инъекциялар, юз шаклини тўғрилайдиган лифтинг, ияклар билан амалга ошириладиган жараёнлар киради.
Аппаратлар сабаб қоматнинг ихчам бўлиши
Селюллитларни бартараф қилиш, мушакларни таранглаштириш ва ёғларни камайтиришга қаратилган амалиётларни аллақачон амалга ошириш бошланган. Эндиликда Vegus Legacy деб аталадиган, терини радиочастотали нур билан таранглаштириш ҳамда Intraceuticals Oxygen Body (танани кислород билан ёшартириш) техникаларидан самарали фойдаланиш кутилмоқда. 2021 йилда терини силлиқ ва таранг бўлишига эришиш ҳар қачонгидан ҳам осон бўлади.
Табиий кўриниш трендда бўлади
Яноқлари ва лаблари шиширилган қизлар табиий кўринишга интилиш ва инъекцияларнинг натижаси яққол кўзга ташланмайдиганини танлаши мумкин бўлади.
Телефон камерасидан ҳаддан ортиқ яқин фойдаланиш
Суратга тушиш давомида ҳаддан ортиқ яқин масофадан камерага қараш юзни объектив баҳоламаслик ва унга ўзгартириш киритиш масалан, бурунни ингичкалаштиришни исташга олиб келиши мумкин.
Instagram ва Face App сингари иловаларнинг фильтрларининг таъсири
Ушбу иловалардан фойдаланиш давомида сиз ўзингизни 3 сония давомида идеал кўринишга эга, деб ҳис қилишингиз мумкин лекин бу вақтинча. Авваллари мижозлар яноғи ва лабини юлдузларникига ўхшатишни сўраб келган бўлса, эндиликда Face Appп фильтрида ўзгарган қиёфага ўхшатиб беришни сўрайди. Бу эса табиийки, косметологиядаги тенденциялар ўзгаришига ҳам таъсир қилмай қолмайди.
Изоҳ (0)