«Барселона» ҳужумчиси Лионель Месси Ла Лига 17-тури доирасида «Уэска»га қарши кечган баҳсда (1:0) асосий таркибда майдонга тушди.
Бу 33 ёшли аргентиналик футболчи учун «Барселона» сафидаги 750-расмий ўйин бўлди, шунингдек, у Primeрадаги 500-учрашувини ўтказди.
Бу кўрсаткичлар борасида Месси рекордчи Хавига яқинлашиб бормоқда. Испаниялик ярим ҳимоячи 1998—2015 йиллар мобайнида каталонлар сафида умумий 767 ўйин ўтказганди, улардан 505 таси Ла Лига ўйинлари.
Месси «Барселона» сафида 644 та гол урган ва клубнинг энг яхши тўпурари ҳисобланади.
Бундан ташқари Месси Ла Лигадаги ғалабалар (368), голлар (451), асосий таркибда майдонга тушиш (444) ва чемпионлик совринлари (10) борасида «Барселона» футболчилар орасида энг яхши кўрсаткичга эга.
Маълумот учун Месси Ла Лигада 500 та ўйин ўтказган илк легионерга айланди. Шунингдек, Месси бутун фаолияти мобайнидаги 300-голли узатмани амалга оширди — 260 та «Барселона»да, 40 та Аргентина терма жамоасида.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)