Футбол бўйича Англия Премьер Лигасининг 17-турида «Манчестер Юнайтед» 1 январь, жума куни «Астон Вилла»ни қабул қилди.
Биринчи бўлим якунланиши арафасида Антони Марсьяль майдон эгаларини олдинга олиб чиқди. 58-дақиқада Бертран Траоре ҳисобни тенглаштирган бўлса, орадан уч дақиқа ўтиб, Бруну Фернандеш мезбонларнинг иккинчи голини урди. Шу билан ҳисоб бошқа ўзгармади.
Шу тариқа Оле-Гуннар Сульшер шогирдлари очколарини 33 тага етказиб олган ҳолда пешқадам «Ливерпуль»га етиб олди. «Астон Вилла» (26) эса 6-поғонада қолди.
«Манчестер Юнайтед» кейинги турда «Фулҳэм» майдонга сафар қилса, «Астон Вилла» жамоаси «Тоттенҳэм»ни қабул қилади.
Яна бир ўйин «Эвертон» ва «Вест Ҳэм» жамоалари ўртасида кечди. Томаш Соучек томонидан 86-дақиқада урилган гол лондонликлар ғалабасини таъминлади.
АПЛ
17-тур баҳслари
1-ярвар, жума
«Манчестер Юнайтед» — «Астон Вилла» 2:1
Голлар: 1:0 – 40 Марсьяль, 1:1 – 58 Траоре, 2:1 – 61, пенальти Бруну Фернандеш.«Манчестер Юнайтед»: Де Хеа, Байи, Магуайр, Уан-Биссака, Шоу, Бруну Фернандеш (Жеймс, 87), Фред (Туанзебе, 90), Погба, Мактоминей (Матич, 65), Марсьяль, Рэшфорд.
«Астон Вилла»: Мартинес, Конса, Таргетт, Мингз, Кеш, ал-Ғози (Дэвис, 84), Грилиш, Дуглас Луис, Макгинн, Траоре (Рэмзи, 79), Уоткинс.
Огоҳлантиришлар: Магуайр (49), Байи (55), Шоу (89), Матич (90).
«Эвертон – Вест Ҳэм 0:1
Гол: 0:1 – 86 Соучек.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)