Дортмунднинг «Боруссия» клуби 2020 йилнинг январь ойида 20 миллион еврога «Зальцбург»дан норвегиялик катта истеъдод соҳиби 20 ёшли Эрлинг Ҳоландни ўз сафига қўшиб олди. Ҳоланд жамоа ва умуман чемпионатга жуда тез мослашди, ўзи қатнашган деярли ҳар бир ўйинда гол урди ва йил давомида мана шу самарадорликни ушлаб тура олди. Бунинг натижаси ўлароқ, бугунги кунда унинг трансфер нархи 100 миллион еврога кўтарилди. Ҳозирда кўпчилик унинг келаси мавсумни бирор бир гранд жамоа сафида бошлашини тахмин қилмоқда. Хўш, бу вундеркинд қандай ҳаёт кечиради. Қуйида айнан мана шу саволга жавоб берамиз.
Ҳоланд қаерда яшайди?
Ҳоланд Дортмундда ижарага олинган уйда оиласи билан бирга яшайди. Катта пулга шахсий уй сотиб олмасликка сабаблар етарлича. Улардан асосийси унинг бир ёки йилдан сўнг бошқа мамлакатга кўчиб ўтишидир. Ҳоланд катта эҳтимол билан яқин орада кўчмас мулк сотиб олмайди. Ахир, унинг фаолияти энди бошланди-ку.
Машиналари
Автомобильлар борасида ҳам Ҳоланд катта харидларни амалга оширишга шошилмаяпти. «Зальцбург» сафида ўйнаган кезлари машина ҳайдаганига қарамай, Дортмунд клуби унга машина билан биргаликда ҳайдовчи ҳам тақдим этган.
Кумирлари
Ҳоланд болалигидан бери Криштиану Роналду ва Златан Ибрагимовичга ҳавас қилиб келади ва ҳар бир ҳаракати билан уларга ўхшашга ҳаракат қилади. Айтишларича, Ҳоланд узоқроқ ва яхшироқ ўйнаш учун Роналду каби озиқланар экан.
Даромади
Бўш вақтларида қўшиқ куйлашни ёқтирадиган Ҳоланднинг «Боруссия»даги бир йиллик маоши 6 миллион еврога тенг. Бироқ келаси мавсумдан бошлаб бу кўрсаткич 8,5 миллион еврога етади.
Юқорида таъкидланганидек, кўпчилик Ҳоланднинг тез орада жамоасини алмаштиришини тахмин қилмоқда. Бироқ воқеалар ривожининг қандай якун топишига фақат вақт жавоб беради.
Изоҳ (0)