Германия терма жамоаси ва «Барселона» дарвозабони Марк-Андре тер Штегеннинг қандай ҳаёт кечириши ҳақида ҳикоя қиламиз.
Уйи
Тер Штеген 2014 йилдан бери «Барселона» шарафини ҳимоя қилаётган бўлса-да, ҳамон Каталониядан шахсий уй сотиб олмаган.
У шаҳар атрофида, Лионель Мессининг уйидан унча узоқ бўлмаган ҳудудда истиқомат қилади. Ушбу ижарага олинган уйда чўмилиш ҳавзасидан тортиб то гаражгача барчаси мавжуд.
Машиналари
Марк дунёнинг энг кучли дарвозабонларидан бири бўлишига қарамай, ҳашамат ва пафосни (ўзининг бошқалардан зўр эканлигини намоён этиш) ёқтирмайди. Уни Каталония кўчаларида тез-тез пиёда айланиб юрганини кўриш мумкин. Унинг гаражида 90 минг долларлик Audi SQ5 автомобили бўлган.
Бироқ 2020 йилнинг февраль ойида посбон Испаниянинг Cupra компания компанияси билан шартнома имзолади ва ушбу бренднинг юзи сифатида бир қанча машиналарга эга бўлди.
Шахсий ҳаёти
Германиялик посбон анча йиллар олдин танишган Даниэла Еле исмли қиз билан 2017 йилда ҳаёт йўлларини боғлаган. Даниэла суюклиси билан Барселонага кўчиб ўтгач, архитектура билан шуғулланишни бошлаган. Жуфтлик ҳозирда ўғил фарзандни вояга етказмоқда.
Дўстлари
Марк аксарият футболчилар сингари кўплаб танишларга эга, бироқ унинг энг яқин дўстларининг миллионлар ўйинига умуман дахли йўқ, шундай экан, уларга алоҳида тўхталишга ҳожат йўқ.
«Барселона»да эса у асосан Херард Пике билан кўпроқ мулоқот қилади. Шунингдек, у жамоанинг собиқ футболчиси Андрес Иньеста билан билан ҳам илиқ дўстлик муносабатларга эга бўлган.
Футболдан ташқари қизиқишлар
Дарвозабон футболдан бўш вақтларида унга яхшигина даромад келтирадиган рекламаларда суратга тушишни ёқтиради. Бундан ташқари унинг қизиқишлари қаторига сув спорти турлари, видеоўйинлар, саёҳат, автомобиль бошқариш ва мухлислар билан учрашишни киритиш мумкин.
Изоҳ (0)