2021 йилда Ернинг турли бурчакларида яшовчи инсонлар иккита Қуёш ва иккита Ой тутилишини кузатиши мумкин бўлади, деб хабар беради «Korrespondent.net».
Маълум қилинишича, 26 май куни тўлиқ Ой тутилиши кузатилади. Уни Шарқий Осиё, Австралия, Тинч океани, Шимолий ва Жанубий Америкадан туриб кузатиш мумкин.
10 июнь куни — ҳалқасимон Қуёш тутилиши рўй беради. Унинг максимал фазасини Канада, Гренландия ва Россия ҳудудидан туриб кузатиш мумкин. Қисман тутилиш эса Шимолий Америка, Европа ва Осиё мамлакати аҳолиси учун кўринади.
19 ноябрь — қисман Ой тутилиши. Уни Шимолий ва Жанубий Америка, Шарқий Осиё, Австралия, Тинч океанидан туриб кузатиш мумкин бўлади.
4 декабрь — Антрактида ҳудудида тўлиқ Қуёш тутилиши. Қисман Жанубий Африка ва Атлантиканинг жанубий қисмларида ҳам кўринади.
Маълумот учун, Ой тутилиши — Ой сатҳига Ер сояси тушганда юз берадиган ҳодиса. Бу ҳодиса Қуёш, Ер ва Ойнинг бир-бирларига нисбатан эгаллаган вазиятларига боғлиқ. Ой Ердаги кузатувчига нисбатан Қуёшга қарама-қарши томонда (яъни тўлин ой пайтига яқин) бўлса — Ой тутилиши, Қуёш томонда (янги ой пайтига яқин) бўлса, Қуёш тутилиши юз беради. Ой билан Қуёшнинг кўринма диаметри тахминан баробар.
Изоҳ (0)