«Манчестер Юнайтед» Англия Премьер Лигаси 15-турида 26 декабрь куни «Лестер» майдонига сафар қилди. Учрашувда 2:2 ҳисобидаги дуранг натижа қайд этилди.
Оле-Гуннар Сульшер қўл остидаги жамоа АПЛда кетма-кет 11 та сафар ўйиндан бери ҳар бир баҳсда камида иккитадан гол урмоқда. Бу эса Премьер Лига рекорди ҳисобланади.
Премьер Лига ташкил этилган 1992 йилдан аввал ушбу натижани қайд этган ягона жамоа ҳам «Манчестер Юнайтед» ҳисобланади. «Қизил иблислар» 1958-1959 йилларда Англия чемпионатидаги кетма-кет 13 та сафар ўйинида 2+ гол урганди.
«Манчестер Юнайтед» АПЛ 2020/21 йилги мавсумидаги 14 ўйинда 27 очко тўплаган ҳолда мусобақа жадвалининг 3-поғонасида кетмоқда.
«Лестер» — «Манчестер Юнайтед» учрашувидаги голларни бу ерда кўриш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)