Футбол бўйича Англия Премьер Лигасининг 15-турида «Манчестер Юнайтед» 26 декабрь, шанба куни «Лестер» майдонида меҳмон бўлди.
Учрашувни ҳар икки томон вакиллари фаол ҳужумлар остида бошлади. 23-дақиқада келиб меҳмонлар олдинга ўтиб олди: Бруну Фернандешинг узатмасидан кейин Маркус Рэшфорд дарвозани аниқ нишонга олди.
Бунга майдон эгалари 31-дақиқада Ҳарви Барнснинг чиройли голи билан жавоб қайтарди. Биринчи бўлимда бошқа гол бўлмади.
Иккинчи бўлимда устунлик «қизил иблислар» томонида бўлди. Қатор ҳужумлар 79-дақиқага бориб ўз самарасини берди. Захирадан майдонга тушганига кўп бўлмаган Эдинсон Кавани ўзининг узатмаси билан Фернандешни қулай имкониятга олиб чиқди, португалиялик футболчи эса бу имкониятни кўкка совурмади.
Голдан кейин фаолликни оширган «тулкилар» 85-дақиқада Жейми Вардининг голи билан яна ҳисобни тенглаштирди. Қолган вақтда ҳисоб ўзгармади.
«Лестер» 28 очко билан 2-ўринда қолди, битта захира ўйинига эга «Манчестер Юнайтед» (27) эса ҳозирча учинчи поғонани банд этган.
«Лестер» — «Манчестер Юнайтед» учрашувидаги голларни бу ерда кўриш мумкин — видео.
АПЛ
15-тур баҳси
26 декабрь, шанба
«Лестер» — «Манчестер Юнайтед» 2:2
Голлар: 0:1 – 23 Рэшфорд, 1:1 – 31 Барнс, 1:2 – 79 Бруну Фернандеш, 2:2 – 85 Варди.«Лестер»: Шмейҳел, Эванс, Жастин, Кастань, Фофана, Тилеманс, Олбрайтон (Перес, 81), Ндиди, Мэддисон, Барнс, Варди.
«Манчестер Юнайтед»: Де Хеа, Магуайр, Байи, Линдельоф (Туанзебе, 66), Шоу, Мактоминей, Бруну Фернандеш, Фред, Жеймс (Погба, 54), Марсьяль (Кавани, 75), Рэшфорд.
Огоҳлантиришлар: Бруну Фернандеш (45), Мэддисон (54), Ндиди (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)