Умрингизда ҳеч бўлмаса бир марта бўлса ҳам бирор хизмат ёки маҳсулот хариди вақтида расмиятчилик, бюрократия каби тўсиқларга дуч келган бўлишингиз аниқ. «Паспорт билан келинг», «Шахсан келмасангиз бўлмайди» ёки «Паспортни сканерланг, у билан селфи қилиб охирги тўлов варақангизни жўнатинг» ва ҳоказолар. Бироқ унутмаслик керакки, айни турдаги қоғозбозлик иккинчи томоннинг ҳам ортиқча вақтини олади – чек-чегараси йўқ варақалар, кераксиз низо ва кети йўқ навбатлар кимга ҳам ёқарди, дейсиз?
Бироқ бахтимизга технологиялар тараққиёти бир жойда тўхтаб тургани йўқ, янги ечим давлат, тижорат ва молиявий амалиётларнинг барча иштирокчиларига вақтларини тежаб, маблағ ва асабларини асраб қолишга ёрдам беради.
Paymo компанияси Ўзбекистон бозорида янгиликка қўл уриб, масофадан идентификациялаш – Paymo.ID хизматини ишга туширди. Бунда одамларнинг шахсий иштироки талаб этилмайди.
Илҳом Идиев, Paymo директори: Ўзбекистон бозорида мана 3 йилдан бери фаолият юритиб келяпмиз ва бу давр мобайнида энг долзарб масалалардан бири бу шахсни масофадан туриб тасдиқлашнинг имкони йўқлиги деб айтишимиз мумкин. Бу эса пандемия шароитида ниҳоятда муҳимлигини кўрсатди.Ҳозирда бутун дунёда одамларнинг жараёнда жисмоний равишда иштирок этишини истисно қилувчи идентификация технологиялари фаол қўллаб келинмоқда. Бизда эса яқин-яқингача бунинг имкони йўқ эди! Истеъмолчилар онлайн тарзда хизматлардан фойдалана олмас эди, таъминотчи эса ўша буюртмачининг шахсини тасдиқлай олмагани учун унинг сўровига жавоб беролмас эди. Ҳамма жойда шахсан иштирок этиб паспорт билан келиш талаб қилинган. Бизнинг сервисимиз эса ушбу 2 муаммони осонгина ҳал этади!
Paymo.ID орқали хизматларни масофадан туриб олиш ва кўрсатиш мумкин, маблағингиз ва вақтингиз тежаб қолинган ҳолда тизимимиздан фойдаланувчиларнинг ишончли текширилиши таъминланади.
Paymo.IDдан фойдаланишни бошлаш учун шунчаки смартфон ва NFC, паспорт ва 5 дақиқагина вақтингиз талаб этилади. МРЗ маълумотлари (паспортнинг сурат туширилган тарафидаги пастки қисм) сканерланиб, ёки паспорт рақами, унинг амал қилиш муддати тугаш санаси ва туғилган йилингиз, кунингизни киритсангиз бас. Паспортни киритишнинг иккинчи йўли бу чипдан маълумот ўқишдан иборат. Телефонингизни паспортингиз устига қўясиз ва интеграция жараёни тугашини кутасиз.
Мана бўлди, паспортингиз тизимда! Фойдаланувчи шахсини тасдиқласа бас. Бунинг учун иловада кўрсатилган юз учун ажратилган ҳудудга юзингизни мослаб суратга тушасиз ва ёзилган кўрсатмаларга амал қиласиз (бошни тўғрилаш, табассум қилиш, кўзни юмиб юбормаслик). Тизим текширувидан сўнг (барча амаллар тўғри бажарилиб, маълумотлар ҳамда ташқи кўринишнинг тўла мос келиши) фойдаланувчи Paymo.ID’да муваффақиятли рўйхатдан ўтгани ҳақидаги билдиришномани олади. Янгилик ҳақиқатда ҳам ўзига хос, ахир у хизматларни олиш/кўрсатишдаги жараёнларни сезиларли осонлаштириб, пандемия вақтида ортиқча мулоқотни чеклашга ёрдам беради.
Бизнес тарафдан Paymo.ID’га ҳозирда ишлатилаётган шахсни тасдиқловчи воситаларнинг рақамли шакли сифатида қараш мумкин. Фақат улардан анчагина универсалроқ:
- Бошқа ташкилотлар, мижозлар ва давлат органлари билан электрон транзакциялар вақтидаги маъмурий юкламаларнинг камайиши;
- Бизнес амалиётларнинг самаралироқ ва тезкорроқ шакли;
- Сарф-харажатларнинг сезиларли камайиши ҳисобига даромаднинг ортиши;
- Истеъмолчилар ишончининг ортиши ва потенциал мижозлар базасининг кенгайишига олиб келувчи хавфсиз электрон транзакциялар.
Paymo.ID электрон тижорат, молиявий чакана хизматлар (банк иши, кредит расмийлаштириш ва суғурта), тиббий, телекоммуникация тармоқлари, авиакасса ва туристик агентликлар, меҳмонхона бизнеси хизматлари кабилардан фойдаланиш жараёнини қулайлаштиради ва онлайн-хавфсизлигини таъминлайди. Бундай қулай жиҳатлар рўйхатини узоқ давом эттириш мумкин!
Бир сўз билан айтганда, ушбу хизмат келишув жараёнининг сўнгги нуқтасида истеъмолчи ва хизмат кўрсатувчи ўртасидаги тўсиқни бартараф этади.
Хўш, Paymo.ID’нинг оддий аҳоли учун қандай қулайликлари бор, дейсизми? У ҳаётимизни анча енгиллаштириши аниқ. Илованинг энг асосий мақсади фойдаланувчилар кундалик ишларидан чалғимаган ҳолда турли хизматлардан осонгина фойдаланишларига кўмаклашиш.
Шунчаки иловани iOS ёки Android қурилмангизга ўрнатиб, барча кўрсатмаларга амал қилган ҳолда тезгина рўйхат ва идентификациядан ўтиш кифоя!
Яқин орада Paymo.ID ёрдамида сиз шахсий иштирок каби ортиқча ва бошқа шу каби бошоғриқлардан қутилган ҳолда маъмурий, давлат, банк, суғурта, молиявий ва бошқа тижорий ҳамда нотижорий хизматларни олишингиз мумкин бўлади. Ҳаётимиз илдамлагани сари кундалик юмушларимизда керакли кўплаб ҳужжатларнинг рақамли дунёда кераги бўлмай қолади. Paymo.ID эса доим керак!
Paymo.ID шахсий идентификациянинг барча жиҳатларини таъминлаб хизматларга тўла ҳаққи бор одамларга уларнинг тақдим этилишида ёрдам беради. Ва буни қайта-қайта исботлашингизга ҳожат йўқ. Барчаси мукаммал ва максимал даражада шаффоф!
Paymo компанияси республикамизда ҳам жисмоний шахслар, ҳам турли соҳалардаги компаниялар учун кўплаб йўналишларда технологияларни ривожлантиришда ёрдам берувчи компания саналади. Компания ҳамкорлари ва мижозлари орасида ритейл, телекоммуникация хизматлари, кредит ва банк ташкилотлари, давлат идоралари ва бошқаларни кўришингиз мумкин. Компания маҳсулотлари амалиётдаги кўплаб тизимли муаммоларнинг оптимал ечими, шу билан биргаликда молиявий харажатлар, жараёнда қўллашда осонлик томонидан мақбулдир. Шунчаки сайтда сўров қолдирсангиз бас, қолганини ўз касбининг усталари амаллашади!
+998712311900
Реклама ҳуқуқи асосида.
Изоҳ (0)